ترکی: آقار، مسلح افواج کے سربراہ اور کمانڈروں کے ہمراہ شامی سرحد پر پہنچ گئے

ترکی کے وزیر دفاع  حلوصی آقار نے ترک مسلح افواج  کے سربراہ جنرل یاشار گلیر  اور برّی افواج اورفضائیہ کے کمانڈروں کے ہمراہ شامی سرحد کا اور اس کے بعد ادلب  کاروائیوں سے متعلقہ سیکنڈ آرمی ٹیٹیکل  کمانڈ پوسٹ  کا دورہ کیا۔

آقار نے جنرل گلیر، برّی افواج کے کمانڈر جنرل امید دُندار اور فضائیہ کے کمانڈر حسن کیوچک آق یُز کے ہمراہ آپریشن کے بارے میں تازہ معلومات حاصل کیں۔

یونٹوں کے معائنے کے بعد آقار ادلب کے لئے ترسیل و انتظام  کی ذمہ دار ٹیکٹیکل کمانڈ پوسٹ  پر پہنچے جہاں انہوں نے سیکنڈ آرمی کمانڈر جنرل سینان یائلا  سے دن بھر میں کی جانے والی توپ فائرنگ، ملٹیپل راکٹ لانچر اور مسلح ڈرون طیارے کے ذریعے کی گئی فائرنگ اور فوجی نقل و حرکت  کی کاروائیوں  کے بارے میں معلومات حاصل کیں۔