امریکہ کی ادلیب میں ترک فوجی دستوں پر اسد قوتوں اور اس کے حمایتیوں کے حملوں کی شدید مذمت
اسد انتظامیہ، روس، ایرانی انتظامیہ اور حزب اللہ کی یہ کاروائیاں شمالی شام میں فائر بندی کی راہ میں براہ ِ راست رکاوٹیں ہیں، مائیک پومپیو
امریکی وزیر ِ خارجہ مائیک پومپیو نے شامی علاقے ادلیب میں بروز جمعرات ترک فوجیوں پر اسد قوتوں کے حملوں کی شدید مذمت کرتے ہوئے کہا کہ اسد انتظامیہ اور روس و ایران کو ان حملوں کا فوری طور پر خاتمہ کر دینا چاہیے۔
وزیر پومپیو نے ادلیب میں روسی حمایت یافتہ اسد انتظامیہ کے ترک فوجیوں پر حملوں کے حوالے سے ایک تحریری بیان جاری کرتے ہوئے کہا ہے کہ یہ حملہ "ایک شرمناک اور کمینی " حرکت ہے، امریکہ ترکی کے شانہ بشانہ ہے، ہم ترکی سے اظہار تعزیت کرتے ہیں اور امریکہ اس حملے کی ممکنہ حد تک شدید ترین طریقے سے مذمت کرتا ہے۔
امریکی وزیر نے اسد انتظامیہ اور اس کے حمایتیوں سے ادلیب میں حملوں کا فی الفور خاتمہ کرنے کی اپیل کرتے ہوئے کہا ہے کہ"اسد انتظامیہ، روس، ایرانی انتظامیہ اور حزب اللہ کی یہ کاروائیاں شمالی شام میں فائر بندی کی راہ میں براہ ِ راست رکاوٹیں کھڑی کرتی ہیں۔ حملوں کا خاتمہ ہونا چاہیے، ا مداد کی رسائی کو ممکن بنایا جانا چاہیے اور اور اقوام متحدہ کی سلامتی کونسل کی متعلقہ قرار داد کی روشنی میں مسئلے کا حل تلاش کیا جانا چاہیے۔"
علاوہ ازیں امریکہ کے "اسد انتظامیہ اور روسی وحشیانہ" اقدامات کا سد باب کرنے اور ادلیب میں انسانی المیہ میں تحفیف لانے کے زیر مقصد ترکی کے ساتھ رابطے میں ہونے کا ذکر کرنے والے پومپیو کا کہنا تھا کہ ہم نے ترکی سے تعاون کرنے کے لیے متبادلوں پر نظرِ ثانی کی ہے۔
متعللقہ خبریں
ترکیہ آرمینیا کے فلسطین کو تسلیم کرنے کا خیر مقدم کرتا ہے، دفترِ خارجہ
فلسطین کو تسلیم کرنا بین الاقوامی قانون، انصاف اور ضمیر کا تقاضا ہے
