شام کا محفوظ علاقہ تاحال دہشت گردوں سے پاک نہیں ہے: ایردوان
صدر رجب طیب ایردوان نے کہا ہے کہ علیحدگی پسند تنظیم پی کےکے کو شام کے محفوظ علاقے سے نکلانے کا وعدہ پورا نہیں کیا گیا
صدر رجب طیب ایردوان نے کہا ہے کہ علیحدگی پسند تنظیم پی کےکے کو شام کے محفوظ علاقے سے نکلانے کا وعدہ پورا نہیں کیا گیا ۔
صدر ایرودان نے ہنگری روانگی سے قبل ایک اخباری کانفرنس میں کہا کہ شمالی شام میں بیرونی طاقتوں کی آشیرباد سے دہشت گردی کےلیے ایک راستہ بنانے میں مصروف پی کےکے اور داعش کے خلاف ہمارا چشمہ امن آپریشن کامیابی سے ہمکنار رہا ۔
انہوں نے کہا کہ ترکی کے خلاف دہشتگردوں کی حامی طاقتیں اور اجرتی قاتل ترکی کا انتقام بھول نہیں پائیں گے۔
ترکی کے امریکہ اور روس کے ساتھ شمالی شام سے متعلق معاہدے پر صدر کا کہنا تھا کہ
اس سلسلے میں امریکہ کی دی گئی 120 گھنٹوں کی اور روس کی دی گئی 150 گھنٹوں کی مہلت ختم ہو گئی مگر دہشتگردوں نے علاقہ خالی نہیں کیا ، اب تک دہشت گردوں نے شام کی قومی فوج پر حملوں کا سلسلہ جاری رکھا ہوا جس کے نتیجے میں 11 شہید ہو چکے ہیں۔
داعش کے سرغنہ البغدادی کی اہلیہ کی گرفتاری کے حوالے سے انہوں نے کہا کہ بغدادی کی اہلیہ تقریباً ڈیڑھ سال سے ہماری حراست میں ہے جبکہ اس کے دیگر اہل خانہ بھی ہمارے نرخے میں آ چکے ہیں۔ اب تک ترکی میں موجود داعش کے کارندوں کی تعداد 76 ہزار کے لگ بھگ ہے جن میں سے ملک بدر کیے جانے والوں کی تعداد 7550 ہے جبکہ ہماری جیلوں میں داعش کے 1149 کارندے مقید ہیں ۔
متعللقہ خبریں
ترکیہ آرمینیا کے فلسطین کو تسلیم کرنے کا خیر مقدم کرتا ہے، دفترِ خارجہ
فلسطین کو تسلیم کرنا بین الاقوامی قانون، انصاف اور ضمیر کا تقاضا ہے
صوبہ شرناک میں ایک خصوصی آپریشن میں 4 دہشت گرد غیر فعال
بیت الشباب کے نواحی علاقوں میں علیحدگی پسند دہشت گرد تنظیم کے رکن دہشت گردوں کے ساتھ جھڑپ ہوئی