شہباز شریف کا مسئلہ کشمیر کی مکمل حمایت کرنے پر ترکی اور چینی صدور کو خراجِ تحسین
شہبازشریف نے اپنے ٹوئٹر اکاؤنٹ میں لکھا ہے کہ وہ اسلامی جمہوریہ پاکستان اور پاکستان مسلم لیگ نون کی طرف سے ترکی کی کشمیر کے موضوع سے متعلق مکمل حمایت کرنے پر وہ ترکی کے صدر رجب طیب ایردوان کے شکرگزار ہیں
پاکستان میں حزبِ ِ اختلاف اور مسلم لیگ نون کے رہنما شہباز شریف نے ترکی کے صدر رجب طیب ایردوان اور چین کے صدر شی جن پنگ کے مسئلہ کشمیر سے متعلق پاکستان کے موقف کی حمایت کرنے پر شکریہ ادا کیا ہے۔
شہبازشریف نے اپنے ٹوئٹر اکاؤنٹ میں لکھا ہے کہ وہ اسلامی جمہوریہ پاکستان اور پاکستان مسلم لیگ نون کی طرف سے ترکی کی کشمیر کے موضوع سے متعلق مکمل حمایت کرنے پر وہ ترکی کے صدر رجب طیب ایردوان کے شکرگزار ہیں۔
انہوں نے کہا کہ صدر رجب طیب ایردوان کاپاکستان اور کشمیر کی حمایت میں جاری کردہ بیان ایک قابل اعتماد د اور مخلص دوست کی خصوصیت کو اجاگر کرتا ہے۔ انہوں نے امید ظاہر کی کہ ترکی اور پاکستان کے درمیان قریبی تعلقات مستقبل میں بھی اسی طریقے سے جاری رہیں گے ۔
انہوں نے کہا کہ صدر ایردوان ایک وژنری اور بڑے فعال رہنما ہیں اور انہیں امید ہے کہ ترکی ان کی قیادت میں بڑی تیزی سے ترقی کرتا رہے گا۔
انہوں نے چین اور پاکستان کے تعلقات کا ذکر کرتے ہوئے کہا کہ یہ دونوں برادر ملک ہیں اور وہ چین کی مسئلہ کشمیر سے متعلق پاکستان کی حمایت پر چین کے صدر شی جن پنگ کے شکر گزار ہیں۔
متعللقہ خبریں
ترکیہ آرمینیا کے فلسطین کو تسلیم کرنے کا خیر مقدم کرتا ہے، دفترِ خارجہ
فلسطین کو تسلیم کرنا بین الاقوامی قانون، انصاف اور ضمیر کا تقاضا ہے