ترکی کو F-35 طیاروں کی فروخت رکوانے میں اسرائیل کا ہاتھ ہے:اسرائیلی ٹی وی
اسرائیلی ٹی وی چینل 12کے مطابق۔ اسرائیل نےصدر ایرودان کی جانب سے ایس 400- میزائل روس سے خریدنے کے اعلان کو موقع غنیمت سمجھتےہوئے امریکہ پر F-35 طیاروں کی فروخت ترکی کو رکوانے کےلیے دباو ڈالا ہے
1246509
انکشاف ہوا ہے کہ اسرائیل نے خطے میں بالا دستی قائم رکھنے کی خاطر ترکی کو ایف-35 جنگی طیاروں کی فروخت رکوانے کےلیے امریکہ سے گٹھ جوڑ کیا ہے ۔
اسرائیلی ٹی وی چینل 12 کی خبر کے مطابق، اسرائیل نے صدر ایرودان کی جانب سے ایس 400- میزائل روس سے خریدنے کے اعلان کو موقع غنیمت سمجھتےہوئے امریکہ پر F-35 طیاروں کی فروخت ترکی کو رکوانے کےلیے دباو ڈالا ہے ۔
واضح رہے کہ اسرائیل خطے کا وہ واحد ملک ہے جس نے دو سالہ عرصے میں 16 عدد F-35طیارے حاصل کر رکھے ہیں۔
دریں اثنا٫ صیحونی حکومت نے امریکہ کے امدادی فنڈز کا استعمال کرتےہوئے 50 عدد F-35 طیاروں کی خرید کےلیے امریکی کمپنی لاک پیڈ مارٹن سے معاہدہ طے کر رکھا ہے جن کی وصولی سن 2024 تک متوقع ہے۔