دھمکی آمیز لہجے اور جبری فیصلے سے امریکہ کو کچھ حاصل نہیں ہو گا، ترکی

ترکی نے اطلاع دی ہے کہ متحدہ امریکہ کو سمجھ لینا چاہیے کہ دھمکیوں بھری زبان اور جبری فیصلے کسی قسم کا نتیجہ سامنے نہیں لا سکتے۔

دفترِ خارجہ کے ترجمان حامی آکسوئے نے  ایجنڈے میں شامل معاملات کے حوالے سے  بیانات دیے ہیں۔

 اس دوران ترکی اور امریکا کے مابین شام کے معاملے پرمذاکرات کا ذکر کرتے ہوئے آکسوئے نے بتایا کہ سکیورٹی زون کے حوالے سے تیسرا اجلاس منعقد ہوا ہے۔  ہماری اولیت کا معاملہ  علیحدگی پسند دہشت گرد تنظیم وائے پی ڈی /پی وائے جی کو اس کے قبضہ کردہ علاقوں سے نکال باہر کرنا ہے۔ امریکہ کے شام سے اپنے فوجیوں کے انخلا کے حوالے سے تضادات پر مبنی بیانات  پر اپنا جائزہ پیش کرتے ہوئے اکسوئے نے کہا کہ یہ بات عیاں ہے کہ امریکہ شام سے مکمل طور پر انخلاء  نہیں کرے گا لیکن علاقے میں طاقت کا خلا بھی نہیں پیدا ہونا چاہیے۔  اور نہ ہی دہشت گرد تنظیموں  کو طاقت پکڑنے کی اجازت دینی چاہیے۔

 انہوں نے بتایا کہ امریکہ گاہے بگاہے  دھمکی آمیز موقف کا مظاہرہ کرتا ہے۔مگر اب اس  کو سمجھ لینا چاہیے کہ اس طرح کے موقف سے کوئی نتیجہ اخذ نہیں کیا جاسکتا۔

 ایف۔35  لڑاکا طیاروں کی حوالگی کے حوالے سے جاری بحث کی بھی یاد دہانی کرانے والے اکسوئے نے کہا کہ  پایلوت کی امریکہ میں تربیت کا عمل جاری ہے اور طیاروں کی حوالگی کا عمل شروع ہو چکا ہے اس معاملے میں بھی  ہم پیچھے قدم نہیں اٹھائیں گے