مقبوضہ علاقوں پر حق صرف فلسطینیوں کا ہے، اسرائیل ہوش کے ناخن لے: ترکی
وزیر خارجہ مولود چاوش اولو نے کہا ہےکہ دریائے اردن کا مغربی کنارہ عالمی قوانین کی خلاف ورزیوں کے باوجود فلسطینوں کا ہے
![مقبوضہ علاقوں پر حق صرف فلسطینیوں کا ہے، اسرائیل ہوش کے ناخن لے: ترکی](http://cdn.trt.net.tr/images/xlarge/rectangle/8eba/afb7/2a89/5ca8447a61cab.jpg?time=1719140938)
وزیر خارجہ مولود چاوش اولو نے کہا ہےکہ دریائے اردن کا مغربی کنارہ عالمی قوانین کی خلاف ورزیوں کے باوجود فلسطینوں کا ہے ۔
چاوش اولو نے مغربی کنارے سے متعلق متنازعہ بیان پر اسرائیلی وزیراعظم نیتین یاہو کی سرزنش کی ہے ۔
سوشل میڈیا پر اپنے پیغام میں وزیر خارجہ نے کہا کہ عالمی قوانین کی بارہا پامالیوں کے باوجود اسرائیل جان لے کہ مقبوضہ علاقہ فلسطینیوں کا ہے جبکہ انتخابات سے قبل نیتین یاہو کا بیان انتہائی غیر ذمے دارانہ اور ایک انتخابی حربہ ہے جو کہ حقیقت کو جھٹلا نہیں سکتا۔
انصاف و ترقی پارٹی کے ترجمان عمر چیلیک نے بھی اس حوالے سے اسرائیلی وزیراعظم کے بیان کی مذمت کی اور اسے اشتعال انگیز قرار دیا ۔
یاد رہے کہ نیتن یاہو نے گزشتہ روز اپنے بیان میں کہا تھا کہ دوبارہ انتخابات میں کامیابی ملنے پر ان کی حکومت مقبوضہ علاقوں میں قائم یہودی بستیوں کا الحاق اسرائیل کے ساتھ کر دیں گے ۔
250 کے لگ بھگ یہ یہودی بستیاں سن 1967 کے اسرائیلی قبضے کے بعد سے وہاں قائم ہیں جن میں 4 لاکھ یہودی رہتےہیں۔
عالمی قوانین کی رو سے ان بستیوں کا قیام غیر قانونی قرار دیا جا چکا ہے۔
متعللقہ خبریں
![ترکیہ آرمینیا کے فلسطین کو تسلیم کرنے کا خیر مقدم کرتا ہے، دفترِ خارجہ](http://cdn.trt.net.tr/images/medium/rectangle/d431/4da4/2a0f/665576b9c9569.jpg?time=1719140938)
ترکیہ آرمینیا کے فلسطین کو تسلیم کرنے کا خیر مقدم کرتا ہے، دفترِ خارجہ
فلسطین کو تسلیم کرنا بین الاقوامی قانون، انصاف اور ضمیر کا تقاضا ہے