ترک مسلح افواج کا آپریشن، 6 دہشتگرد ہلاک

ترکی کی مسلح افواج کی طرف سے عراق کے شمالی علاقوں زاپ، سینات۔حفتنن اور ہاکرک  پر فضائی آپریشن کر کے فوجی اڈوں پر حملوں کے لئے تیار 6 دہشت گردوں کو ہلاک کر دیا گیا ہے۔

ترکی کی وزارت دفاع کے ٹویٹرپیج سے جاری کردہ بیان کے مطابق عراق کے شمالی علاقوں  زاپ، سینات۔حفتنن اور ہاکرک  میں کل فضائی آپریشن کیا گیا جس میں دہشتگرد تنظیم کے مسلح ٹھکانوں، پناہ گاہوں اور مورچوں کو تباہ کر دیا گیا ہے۔

علاوہ ازیں فوجی اڈوں پر حملوں کے لئے تیار علیحدگی پسند دہشت گرد تنظیم کے 6 دہشت گردوں کو بھی ہلاک کر دیا گیا ہے۔