اسپیکر قومی اسمبلی بن علی یلدرم کی چین کے رہنماوں سے ملاقاتیں

ترکی کے قومی اسمبلی کے اسپیکر بن علی یلدرم نے کہا ہے کہ براعظم ایشیا کے مشرقی دہانے پر چین اور مغربی دہانے پر ترکی دونوں اسٹرٹجیک اہمیت کے حامل ممالک  ہیں۔

چین کے دورے کے دائرہ کار میں دارالحکومت بیجنگ میں موجود اسپیکر قومی اسمبلی بن علی یلدرم  نے سرکاری گیسٹ ہاؤس میں وزیراعظم لی کیچیانگ سے ملاقات کی ہے۔

اسپیکر قومی اسمبلی بن علی  یلدرم نے کہا ہے کہ تاریخی شاہراہ ریشم ایشیا کے مشرق سے یورپ کے مرکز تک جانے والی گزرگاہ پر موجود یہ دونوں  ممالک  بڑی اہمیت کے حامل ہیں۔

چین کے وزیراعظم لی  نے کہا ہے کہ  چین  اور ترکی  دونوں ابھرتی ہوئی منڈیوں کے اہم رکن ہیں  اور  دونوں  ممالک تعاونی پارٹنر کی حیثیت رکھتے ہیں۔

 انہوں نے کہا کہ چین ترکی کے ساتھ احترام اورمفادکے دائرہ کار میں تعاون کا سلسلہ جاری رکھے ہوئے ہےاور  اس تعاون کو  مزید فروغ دینے کا خواہاں ہے،  ہم تر کی کے ساتھ تمام شعبوں میں اور ہر سطح پر مؤثر طریقے سے رابطہ قائم کرنے کے لئے تیار ہیں۔

ترکی  کی قومی اسمبلی کے اسپیکر  بن  علی یلدرم  نے کل  چین کی نیشنل پیپلز کانگرس کی دائمی کمیٹی کے چئیرمین لی جان شو سے ملاقات کی تھی۔

 بن علی یلدرم کل صوبہ  شان  شی کی پیپلز کانگریس کی دائمی کمیٹی کے چئیرمین ہو حیپنگ سے ملاقات کریں گے۔