مزار اتاترک پر رات گئے تک زائرین کی حاضری
جمہوریہ ترکی کے بانی غازی مصطفیٰ کمال اتاترک کی 80 ویں برسی کے موقع پر کل رات گئے تک مزار اتاترک کو زائرین کے لئے کھلا رکھا گیا اور شہریوں نے جوق در جوق مزار پر حاضری دی
جمہوریہ ترکی کے بانی غازی مصطفیٰ کمال اتاترک کی 80 ویں برسی کے موقع پر کل رات گئے تک مزار اتاترک کو زائرین کے لئے کھلا رکھا گیا اور شہریوں نے جوق در جوق مزار پر حاضری دی۔
مزار اتاترک کو کل صبح صدر رجب طیب ایردوان کی زیر صدارت حکومتی اراکین پر مشتمل وفد کی شرکت سے منعقدہ سرکاری تقریب کے ساتھ زائرین کے لئے کھولا گیا۔
ملک بھر سے آنے والے شہریوں کی مزار پر حاضری رات گئے تک جاری رہی۔
شہریوں نے ہاتھوں میں اتاترک کی پوسٹروں اور پھولوں کے ساتھ مزار پر حاضری دی دعائیں مانگیں اور احتراماً خاموشی اختیار کی۔
مقبرے کے احاطے میں واقع اتاترک اور جنگ نجات عجائب گھر کی سیر کے خواہش مند شہریوں کی بھی لمبی قطاریں لگی رہیں۔
مزار کے لاوڈ اسپیکروں سے اتاترک کی آواز کے ٹیپ چلائے گئے اور مقبرے تک جانے والی سیڑھیوں کے دونوں اطراف میں جلتی مشعلیں بھی شہریوں کی توجہ کا مرکز بنیں۔