" دس نومبر" مصطفی کمال اتاترک کی یاد میں
جمہوریہ ترکی کے بانی مصطفی کمال اتاترک کی آج 80 ویں برسی ہے جس پر صدر رجب طیب ایردوان نے اپنے پیغام میں کہا کہ غازی مصطفی کمال کی ہمیں بخشی آزادی و خود مختاری کی حفاظت کرنے کی ضرورت ہے
جمہوریہ ترکی کے بانی مصطفی کمال اتاترک کی آج 80 ویں برسی ہے ۔
اس مناسبت سے صدر رجب طیب ایردوان نے اپنے پیغام میں کہا کہ غازی مصطفی کمال کی ہمیں بخشی آزادی و خود مختاری کی حفاظت کرنے کی ضرورت ہے ۔
صدر نے کہا کہ گزشتہ 16 سالوں کے دوران ترکی میں سودمند پالیسیاں کے نفاذ سے عوام کو حکومت کے قریب آنے کا موقع ملا ہے ۔
15 جولائی کے واقعات کی مثال پیش کرتےہوئے صدر ایردوان نے کہا کہ بہادر ترک عوام نے اس دن اپنی جسارت اور حوصلے سے ایک نئی تاریخ رقم کی ہے۔
ترکی کے اہداف پر روشنی ڈالتے ہوئے جناب صدر نے کہا کہ غازی مصطفی کمال کی ہمیں دی گئی اس نشانی کو مزید مستحکم بنانے کے لیے شب و روز ایک کرنا حکومت کا شعار ہے ۔
ترک پارلیمانی اسپیکر بن علی یلدرم نے بھی اپنے پیغام میں کہا کہ جمہوریہ ترکی کے پہلے صدر اور جنگ آزادی کے رہنما مصطفی کمال اتاترک کی 80 ویں برسی ہمیں اس بات کا درس دیتی ہے کہ ہم اُن کی دی گئی قربانیوں کو یاد رکھتے ہوئے ملک و قوم کی بقا ،خوشحالی اور ایک تابناک مستقبل کےلیے مل جل کر محنت کریں ۔