لاپتہ سعودی صحافی، ریاض حکومت سے رابطے میں ہیں:ایردوان

صدر رجب طیب ایردوان نے کہا ہے کہ ریاض حکومت کو شواہد فراہم کرنا ہوں گے کہ لاپتہ صحافی استنبول میں واقع سعودی قونصل خانے سے واپس باہر گیا تھا۔

 صدر ایردوان نے یہ بات ہنگری کے وزیر اعظم  وکٹر اوربان کے ساتھ  منعقدہ ایک  اخباری کانفرنس کے دوران کہی ۔

انہوں نے کہا کہ  یہ ہماری حکومت کا فریضہ ہے کہ  اس بارے میں    ہمیں مکمل آگاہی حاصل ہوسکے جبکہ اس  معاملے   کے اصل اسباب جاننے کےلیے ہمارے خفیہ ادارے بھی  سرگرم   ہیں۔

 قبل ازیں، ترک حکام نے سعودی صحافی جمال خاشقجی کی گمشدگی کے حوالے سے انقرہ میں   متعین  سعودی سفیر کو وزارت خارجہ میں طلب بھی کیا۔

 ترک وزارت خارجہ کے ایک اہلکار کے مطابق ،نائب وزیر خارجہ نے سعودی سفیر کے ساتھ ایک ملاقات میں خاشقجی کی گمشدگی کے معاملے پر ریاض حکومت کے تعاون کی اپیل کی۔ ترک حکام کا دعویٰ ہے کہ سعودی صحافی جمال خاشقجی کو سعودی قونصل خانے میں قتل کر دیا گیا ہے تاہم سعودی حکام اس کی تردید کرتے ہیں۔

 یاد رہے کہ  خاشقجی سعودی حکومت کے ناقد تھے۔