پاکستان کے نگراں وزیراعظم ناصر الملک کا صدر ایردوان کو مبارکباد کا پیغام
نگراں وزیراعظم ناصر الملک نے کہا کہ اسلامی ممالک باہمی اتحاد اور تعاون کے ذریعہ مشکلات پر قابو پا سکتے ہیں۔ نگراں وزیراعظم ناصر الملک نے ترکی کےعوام کی کامیابی کے لئے دعا بھی کی
پاکستان کے نگراں وزیراعظم ناصر الملک نے صدر رجب طیب ایردوان کی کامیابی پر مبارکباد کا پیغام دیتے ہوئے دونوں ہمسایہ اور برادر اسلامی ملکوں میں باہمی تعاون کے فروغ پر تاکید کرتے ہوئے کہا ہے کہ ترکی اور پاکستان باہمی اتحاد کے ساتھ خطے میں جاری عدم استحکام ، تشدد اور دہشت گردی کے خلاف مؤثر کردار ادا کرسکتے ہیں۔
نگراں وزیراعظم ناصر الملک نے کہا کہ اسلامی ممالک باہمی اتحاد اور تعاون کے ذریعہ مشکلات پر قابو پا سکتے ہیں۔ نگراں وزیراعظم ناصر الملک نے ترکی کےعوام کی کامیابی کے لئے دعا بھی کی۔
ادھر پاکستان کے صدر ممنون حسین نے بھی اپنے ایک پیغام میں رجب طیب ایردوان کی کامیابی پر انہیں مبارکباد دی ہے۔
واضح رہے کہ کل ہونے والے انتخابات میں صدررجب طیب ایردوان نے ایک بار پھر اپنے حریفوں کو شکست دی انہوں نے اپنے حریفوں کے مدمقابل 55 فیصد ووٹ لے کرکامیابی حاصل کی۔
یاد رہے کہ صدارتی انتخابات اگلے سال ہونے تھے لیکن رجب طیب اایردوان نے قبل از وقت الیکشن کا اعلان کرکے دونوں انتخاب ایک ساتھ کرانے کا فیصلہ کیا۔
متعللقہ خبریں
ترکیہ آرمینیا کے فلسطین کو تسلیم کرنے کا خیر مقدم کرتا ہے، دفترِ خارجہ
فلسطین کو تسلیم کرنا بین الاقوامی قانون، انصاف اور ضمیر کا تقاضا ہے
صوبہ شرناک میں ایک خصوصی آپریشن میں 4 دہشت گرد غیر فعال
بیت الشباب کے نواحی علاقوں میں علیحدگی پسند دہشت گرد تنظیم کے رکن دہشت گردوں کے ساتھ جھڑپ ہوئی
