وزیر خارجہ میولود چاوش عراق کے دورے پر

ترکی کے وزیر خارجہ میولود چاوش اولو عراق کے وزیر خارجہ ابراہیم جعفری  کی سرکاری دعوت پر بغداد کے دورے پر تشریف لے گئے ہیں۔

شام کے علاقے عفرین میں کل شروع ہونے والے آپریشن سے فوراً بعد کئے جانے والے اس دورے میں علاقے کے حالات کے ساتھ ساتھ بغداد اور عراقی کرد علاقائی انتظامیہ  کے مابین کشیدگی پر بھی بات چیت کی جائے گی۔

میولود چاوش اولو اپنے عراقی ہم منصب کے ساتھ مذاکرات کے بعد مشترکہ پریس کانفرنس کریں گے۔

عراق کے وزیر اعظم حیدر العبادی اور عراق کی اسمبلی کے اسپیکر سلیم الجیبوری کے ساتھ بھی ان کی ملاقات متوقع ہے۔

مذاکرات میں علاقے کی حالیہ صورتحال اور عراق او رترکی کے باہمی تعلقات پر بات چیت کی جائے گی۔