امریکی دھمکیاں افسوسناک اور قابل مذمت ہیں، ہرمشکل میں پاکستان کیساتھ ہیں: صدرایردوان

ترکی کے صدر رجب طیب ایردوان نے کہا ہے کہ پاکستان کی دہشت گردی کیخلاف شاندار قربانیوں کے باوجود امریکی صدر ٹرمپ کا طرز عمل اور بیان ناپسندیدہ ہے ، ترکی ہر مشکل میں پاکستان کیساتھ کھڑا  ہے۔

ترکی کے صدر طیب ایردوان نے صدر ممنون حسین کو ٹیلی فون کیا ہے ،اس رابطے کے دوران ترک صدر نے امریکی دھمکیوں کے خلاف ترکی کے پاکستان کے ساتھ مکمل اظہار یکجہتی کا اظہار کیا۔

ترک صدر کا کہنا ہے کہ پاکستان کی شاندار قربانیوں کے باوجود امریکی صدر کا طرز عمل ناپسندیدہ ہے جبکہ صدر ممنون حسین نے کہا کہ نامناسب امریکی پیغام کا مناسب جواب دیا جائے گا۔

ایوان صدر کے ترجمان کے مطابق ترکی کے صدر طیب ایردوان نے صدر ممنون حسین کو فون کرکے پاکستان کے ساتھ مکمل اظہار یکجہتی کیا اور کہا کہ ترکی ہر قسم کے حالات میں پاکستان کے ساتھ ہے، صدر ٹرمپ کا ٹویٹ ناپسندیدہ اور پاکستان کی قربانیاں باوقار ہیں۔

ان کا کہنا تھا کہ دہشت گردی کے خلاف جنگ میں پاکستان کی قربانیاں تاریخی اور شاندار ہیں، پاکستان اور ترکی برادر ملک ہیں اور ہر طرح کی صورت حال میں ایک دوسرے کے شانہ بشانہ کھڑے ہیں۔

دوسری جانب صدر ممنون نے ترک صدر کے اظہار یکجہتی پر ان کا شکریہ ادا کیا اور کہا کہ ترک بھائیوں کے محبت بھرے پیغام سے فخر کا احساس ہوا۔

صدر ممنون حسین نے مزید کہا کہ نامناسب امریکی پیغام کا مناسب جواب دیا جائے گا جبکہ پاکستان رابطے اور تعاون کی پالیسی پر یقین رکھتا ہے لیکن اس کے جذبات کی قدر نہیں کی گئی

، ترک صدر نے صدرممنون حسین کو ٹیلی فون پر یقین دہانی کرائی ہے کہ ترکی پاکستان کے ساتھ ہے ، صدر ٹرمپ کے بیان سے پیدا ہونیوالی صورتحال میں ترک حکومت اور عوام پاکستان کے ساتھ مکمل اظہار یکجہتی کرتے ہیں، پاکستان اور ترکی برادر ملک کسی بھی صورتحال میں شانہ بشانہ کھڑے نظر آئیں گے۔

صدر ممنون حسین نے کہا کہ ترک بھائیوں کے محبت بھرے پیغام سے فخر کا احساس ہوا، پاکستان تعاون کی پالیسی پر یقین رکھتا ہے لیکن ہمارے جذبات کی قدر نہیں کی گئی۔ انہوں نے یہ بھی کہا کہ پاکستان امریکا کے نامناسب پیغام کا مناسب جواب دے گا۔