ترکی کے دشمنوں کو ووٹ نہ دیں، صدر ایردوان کی جرمنی میں مقیم ترکوں سے اپیل

ترکی کے صدر رجب طیب ایردوان نے ایک دفعہ پھر مغرب کے خلاف ردعمل کا اظہار کرتے ہوئے جرمنی میں مقیم ترکوں سے اپیل کی ہے کہ اپنے دشمنوں کو ووٹ نہ دیں۔

خلیج کنوینشن سینٹر میں جسٹس اینڈ ڈویلپمنٹ پارٹی  کی توسیعی   و مشاورتی اسمبلی کے اجلاس سے خطاب میں  صدر ایردوان نے جرمن سیاست دانوں کے ترکی مخالف بیانات  پر ردعمل کا اظہار کیا۔

صدر ایردوان نے کہا کہ انتخابات کا دورہ دورہ ہے اور جرمنی ابھی تک ہمارے ساتھ الجھ رہا ہے ۔

جرمن سیاست دان کہہ رہے ہیں کہ آپ ہماری جمہوری   جدوجہد میں مداخلت کر رہے ہیں لیکن میں کہتا ہوں کہ اس کا آپ کی جمہوری جدوجہد سے کیا واسطہ ہے۔ میں  آپ کے ساتھ ویسا سلوک تو نہیں کر رہا  جو آپ نے  ہمارے ساتھ کیا ہے ۔ ہم تو صرف اپنے شہریوں سے کہہ رہے ہیں کہ ترکی کے دشمنوں کو بیلٹ بکس پر اس دشمنی کا سبق چکھائیں کیونکہ انہیں ان انتخابات میں  بیلٹ بکس سے ایک چانٹا کھانے کی ضرورت ہے۔