جرمن سیاستدانوں کے بیانات دہرے معیار کا ٹھوس ثبوت ہیں، قالن

صدارتی ترجمان ابراہیم قالن   کا کہنا ہے کہ  جرمن  سیاستدانوں کے صدر  رجب طیب ایردوان کے  بارے میں اعلانات  یورپ میں  جاری دہرے معیار کا ٹھوس ترین  مظہر ہے۔

ابراہیم قالن نے اس  موضوع کے حوالے سے  تحریری  اعلان میں کہا  ہے کہ صدر ایردوان  کے جی۔20 سربراہی اجلاس میں  شرکت کی غرض سے  جرمن شہر    ہامبرگ کے دورے سے  قبل بعض جرمن سیاستدانوں کے  اشتعال انگیز اور بد نیتی  پر مبنی بیانات  ناقابل قبول  ہیں۔

قالن    کا کہنا ہے کہ "ہر موقع پر ڈیموکریسی، انسانی حقوق اور آزادی کے موضوعات پر  ترکی کو  لیکچر  دینے    کے درپے    ہونے والے  دہشت گرد تنظیموں، ترکی میں بغاوت کرنے والی فیتو  کے  ارکان اور  قانون توڑنے والوں کی   سر پرستی کر رہے ہیں۔  صدر محترم کو ترک  تارکین ِ وطن  سے ملاقات کرنے سے روکنے  کی  کوششیں   یورپ میں  اب زور پکڑنے والے دہرے معیار کا کھلم کھلا ثبوت ہیں۔"

جمہوریت پر یقین   رکھنے کا دعوی   کرنے والی ان   شخصیات سے  ترک  ڈیموکریسی کا خاتمہ کرنے کے  خواہاں حلقوں کی پشت پناہی اور حمایت کرنے  کے بجائے  ترک قوم  کےشانہ بشانہ ہونے کی   توقع کا اظہار  کرنے والے ترجمان  نے مزید  کہا کہ"تمام تر منفی واقعات اور پیش  رفت کے باوجود یورپ کے ساتھ   ترکی کے تعلقات  میں تعمیری مؤقف کا دامن  ہاتھ سے نہ چھوڑنے والے ہمارے صدر  کی  ترک تارکین وطن سے ملاقات  میں رکاوٹیں کھڑی کرنا  دوستی اور اتحادی  تعلقات  سے  بھی    ہم آہنگ نہ ہونے والا ایک رویہ ہے۔ ہم امید کرتے ہیں کہ جرمن  ادارے   ترکی میں صدارتی ریفرنڈم کے دوران سر زد کردہ غلطیوں کو اب نہیں دہرائیں  گے۔ہم اس  بات کی  بھی اید دہانی کراتے چلیں کہ   صد ہا سال سے چلے آنے والے ترک۔جرمن  تعلقات کو  قلیل المدت انتخابی  مفادات کی  بھینٹ نہیں  چڑھانا چاہیے۔ "