ملکی ترقی میں استحکام حکومتی کوششوں اورہم وطنوں کی دعاوں کا ثمر ہے:ترک وزیراعظم
وزیراعظم بن علی یلدرم نے کہا ہے کہ 15سالہ دور اقتدار کے دوران حکومت نے جو بھی ترقی کی ہے اس میں قوم کا واضح عمل دخل رہا ہے اور 15 جولائی کی بغاوت کو ناکام بنانے میں بھی ترک قوم نے اپنا فرض بخوبی نبھایا ہے
وزیراعظم بن علی یلدرم نے کہا ہے کہ فتح اللہ گولن تنظیم کے خلاف جنگ پر عزم طریقے سے جاری رہے گی ۔
وزیراعظم نے یہ بات انصاف و ترقی پارٹی کے مرکزی دفتر کے زیر اہتمام دعوت افطار کے دوران کہی جس میں صدر رجب طیب ایردوان اور دیگر پارٹی ارکان نے بھی شرکت کی ۔
اس موقع پر خطاب کے دوران وزیراعظم نے کہا کہ 15سالہ دور اقتدار کے دوران حکومت نے جو بھی ترقی کی ہے اس میں قوم کا واضح عمل دخل رہا ہے اور 15 جولائی کی بغاوت کو ناکام بنانے میں بھی ترک قوم نے اپنا فرض بخوبی نبھایا اور حکومت پر اعتماد کا اظہار کیا ۔
انہوں نے قوم کو یقین دلایا کہ گولن تنظیم کے خلاف آپریشن پر عزم طریقے سے جاری رہے گا۔
وزیراعظم نے بتایا کہ عالمی سطح پر اقتصادی کساد بازاری کے باوجود ترک معیشت مستحکم طریقے سے آگے بڑھ رہی ہے جس کا ثبوت ہماری برآمدات اور استنبول اسٹاک ایکسچینج کا ریکارڈ کاروبار ہے ۔
متعللقہ خبریں
ترکیہ آرمینیا کے فلسطین کو تسلیم کرنے کا خیر مقدم کرتا ہے، دفترِ خارجہ
فلسطین کو تسلیم کرنا بین الاقوامی قانون، انصاف اور ضمیر کا تقاضا ہے
