آَئندہ کے ایام میں کابینہ میں رد و بدل پر بات چیت ہو گی، وزیر اعظم

وزیر اعظم بن علی یلدرم   کا کہنا ہے کہ کابینہ میں  تبدیلی پر  آئندہ کے  مہینوں   میں  بحث  چھیڑی جائیگی۔

وزیر اعظم نے  قصرِ چنکایہ  میں بلوم برگ ٹی وی کو انٹرویو دیتے ہوئے  بتایا کہ گاہے بگاہے  کابینہ میں  تبدیلی   جمہوریت  کا تقاضا ہے،   اس حوالے سے اٹھائے  جانے والے اقدامات    کا  صدر  رجب طیب ایردوان   کے ہمراہ تعین کیا جائیگا،  میرا خیال ہے کہ  آئندہ کے    ایام  میں  اس معاملے پر ضرور  غور کیا جائیگا۔

انہوں نے بتایا کہ  اگر   کوئی غیر معمولی پیش رفت نہ ہوئی   تو عام انتخابات   3 نومبر سن 2019 کو منعقد ہوں گے، اسوقت قبل ازوقت   انتخابات کی کوئی صورتحال نہیں پائی جاتی،  اب منصوبوں، اقتصادیات اور  مستقبل کے  حوالے سے ترکی   کے اقتصادی پروگراموں   پر  زیادہ  وقت  خرچ کرنا ہو گا۔

وارلک فنڈ  کے  حوالے سے بھی جائزے پیش کرنے والے یلدرم   نے  بتایا کہ    اس فنڈ کا مقصد  ترکی کی ضرورت  ہونے  والے وسائل کی تلاش   اور طویل المدت   منصوبوں     کو  بجٹ     پر بوجھ ڈالے بغیر    عملی   جامہ  پہنانا ہے۔  ہمیں   پبلک   وسائل کو   اچھے  طریقے سے  استعمال کرنا ہو گا۔

انہوں نے مزید بتایا کہ  وارلک فنڈ   ایک  لحاظ سے     سرمایہ  کاری کے  بارے میں  اولیت کے حامل معاملات   میں مالی امور  پر سود کی شرح میں  کمی لانے کا مقصد رکھتا ہے۔

انہوں نے      اس جانب بھی اشارہ دیا ہے کہ  بنیادی ڈھانچے  میں  سرمایہ کاری کو بھی سرعت دی جائیگی۔