امریکہ سے فتح اللہ گولن کی حوالگی کا مطالبہ

وزیر خارجہ میولود  چاوش اولو نے  امریکی وزیر انصاف   جیف   سیشنز  سے  واشنگٹن میں ملاقات  کی۔

میولود   چاوش اولو نے   اپنے ہم منصب سے  امریکہ میں مقیم دہشت گرد تنظیم فیتو کے سرغنہ فتح اللہ گولین   کو عبوری  طور پر گرفتار کرنے اور  اس  کی ترکی حوالگی   کا مطالبہ کیا ہے۔

ترکی کی اس معاملے کو دی گئی  اہمیت پر  ایک بار پھر زور دینے والے  جناب چاوش اولو نے   فیتو  سے متعلق   نئے دلائل و اثبات پر  مبنی فائل  کو   امریکہ کے حوالے کیا ہے۔

وزیر خارجہ نے بعد ازاں  قومی  پریس کلب  میں ٹرکش  ہیریٹیج آرگنائزیشن   کے زیر ِ اہتمام  منعقدہ "ترکی۔ امریکہ  سٹریٹیجک  شراکت داری: مستقبل  کی جانب نظریں"   کے زیر عنوان  ایک پینل میں شرکت کی۔

انہوں نے  یہاں  پر    اپنے خطاب میں "فیتو کے سرغنہ  گولین کی حوالگی" اور  امریکہ  کی   دہشت گرد تنظیم  PKK  کی  شام  میں  شاخ پی وائے ڈی  سے تعاون    جیسے      معاملات  کو امریکہ کے ساتھ  مل کر حل کیے  جانے   کی ضروت پر توجہ مبذول کراتے ہوئے کہا کہ ہمیں یقین   کہ نئی امریکہ انتظامیہ ان معاملات میں مزید  حساسیت کا مظاہرہ کرے  گی۔