ترکی میں دنیا کے طویل ترین پُل کا سنگ بنیاد رکھ دیا گیا
تقریب میں صدر رجب طیب ایردوان نے 18 مارچ اسٹیڈیم سے ویڈیو کانفرس کے ذریعے شرکت کی جہاں پر وہ یوم شہداء و فتح چناق قلعے کی تقریبات میں شرکت کررہے ہیں
"دنیا کے طویل ترین غیر مسلسل پل " کے عنوان کا مالک بننے والے 'چناق قلعے 1915 پُل' اور مالکارا۔ چناق قلعے شاہراہ کا سنگ بنیاد ڈال دیا گیا ہے۔
تقریب میں صدر رجب طیب ایردوان نے 18 مارچ اسٹیڈیم سے ویڈیو کانفرس کے ذریعے شرکت کی جہاں پر وہ یوم شہداء و فتح چناق قلعے کی تقریبات میں شرکت کررہے ہیں۔
وزیر اعظم بن علی یلدرم، نائب وزیر اعطم نعمان قرتلمش، وزیر مواصلات ، جہاز رانی و خبر رسانی احمد ارسلان، جنوبی کوریا کے وزیر برائے انفرا سڑکچرو مواصلات ہو ۔ ان ۔ کانگ اور دیگر حکام نے مشترکہ طور پر تعمیراتی کام کا افتتاح کیا۔
"عالمی سطح کے منصوبے" کے طور پر پیش کردہ پُل کا سنگ بنیاد رکھنے کی تقریب میں ہزاروں کی تعداد میں شہری بھی موجود تھے۔
آبنائے چناق قلعے کے پہلے، مرمرا کے پانچویں معلق پل کے طور پر خدمات فراہم کرنےوالا یہ پُل چھ ٹریکس پر مشتمل ہو گا۔ اس کی تکمیل 2023 یعنی جمہوریہ ترکی کے قیام کی صد سالہ سالگرہ تک ہونے کی منصوبہ بندی کی گئی ہے۔
اس پر 10 ارب لیرے کی لاگت آئیگی، جبکہ پل کی لمبائی 3 ہزار 860 میٹر ہو گی ۔
متعللقہ خبریں
ترکیہ آرمینیا کے فلسطین کو تسلیم کرنے کا خیر مقدم کرتا ہے، دفترِ خارجہ
فلسطین کو تسلیم کرنا بین الاقوامی قانون، انصاف اور ضمیر کا تقاضا ہے
صوبہ شرناک میں ایک خصوصی آپریشن میں 4 دہشت گرد غیر فعال
بیت الشباب کے نواحی علاقوں میں علیحدگی پسند دہشت گرد تنظیم کے رکن دہشت گردوں کے ساتھ جھڑپ ہوئی