انوسسز کی قرارداد کی منسوخی مذاکرات کی پیشگی شرط ہے، آکنجی

شمالی قبرصی ترک  جمہوریہ   کے صدر  مصطفی ٰ آکنجی    کا کہنا  ہے  کہ  قبرص  مذاکرات      کو    قبرصی  یونانی انتظامیہ  کی جانب سے"انوسسز   ریفرنڈم   کی  سالانہ یاد کو  اسکولوں میں منائے جانے   "  کی قرار داد  کو قبرصی یونانی پارلیمنٹ میں  تبدیل کیے   جانے کے بعد ہی   جاری  رکھے جا سکتے ہیں۔

صدر آکنجی   نے  ایک  سرگرمی کے  دوران   خطاب  کرتے ہوئے کہا کہ "ہم مساوات کے  ماحول میں  کسی   حل کی تلاش کے نطریے سے   باز نہیں  آئے۔ ہم اپنے عوام،  مساوات،  سیکورٹی اور آزادی کا تحفظ کرتے ہوئے اس سمت میں  گامزن  رہیں  گے۔ آج کل   ہمیں  در پیش  مسائل    کی وجوہات  بھی اسی  موضوع   میں پوشیدہ  ہیں۔اس  چیز کے مستقبل کے اعتبار  سے      خطرناک ہونے     کی بنا پر ہماری آوازیں  بلند ہوئی   ہیں۔

انہوں نے مزید بتایا کہ  سیکورٹی،  مساوات اور امان و آشتی   کے ماحول کے   قیام  کے لیے بر سر پیکار  قبرصی ترک عوام    کو  اپنی   طاقت  کا بھر پور استعمال کرنا   ہو گا۔

ہم جوں جوں زیادہ   طاقتور  اور  یکجا   ہوں گے  یوں یوں کسی ممکنہ  حل  کی تلاش میں  زیادہ   طاقتور  فریق  کے  طور پر  ابھریں  گے۔