آبنائے استنبول سے نیچے پیدل چلنے والوں کے لیے ٹنل کی تعمیر کے کام کا آغاز

آبنائے استنبول سے نیچے پیدل چلنے والوں کے لیے  ٹنل تعمیر  کرنے کے کام کا آغاز کردیا گیا ہے۔

مرمرہ اور  یوریشیا  ٹنل کے بعد  ایک  اور خواب پورا ہو رہا ہے۔  آبنائے استنبول  کے نیچے سے   پیدل چلنے   والوں کے لیے بھی سرنگ تعمیر کی جا رہی ہے۔  پیدل چلنے والوں  کے لیے تعمیر کی جانے والے ٹنل کی ڈرلنگ کے کام کاآغاز کردیا گیا  ہے اور اس  ٹنل  کے مکمل ہونے کے بعد یہاں سے پیدل چلنے والوں کے علاوہ سائیکل سواروں کو بھی  سائیکلنگ کرنے کی اجازت ہوگی۔  اس  ٹنل کو   مرمرائے اور  میٹرو  لائن کے ذریعے  ملادیا جائے گا اور اس طرح  پیدل چلنے والوں  کو آبنائے  استنبول کے نیچے سے گزرنے  اور  دیگر علاقوں تک رسائی حاصل کرنے کی سہولت حاصل ہوگی۔  ماہ اپریل میں اس ٹنل کی تعمیر کا باقاعدہ آغاز کردیا جائے گا  اور  اسے چھ سو دنوں کے اندر اندر مکمل کرلیا جائے گا۔