صدر رجب طیب ایردوان خلیجی ملکوں کے دورے پر

صدر رجب  طیب   ایردوان خلیجی  ملکوں کے دوروں کی دوسری کڑی   سعودی  عرب کے دارالحکومت ریاض   تشریف لے جا رہے ہیں۔

شاہ سلمان   بن عبدالعزیز   سے ملاقات   کرنے والے ایردوان بعد ازاں  ولی عہد  محمد  بن  نائف  اور  قائمقام  ولی عہد  محمد بن سلمان  کو  شرف ملاقات  بخشیں  گے۔

ایجنڈے میں  دو طرفہ  تعلقات  ، علاقائی  اور  بین الاقوامی  معاملات    شامل   ہوں  گے۔

صدر  ایردوان    سعودی عرب کے  بعد   قطر کا  بھی دورہ کریں  گے۔

اس سے قبل صدرِ ترکی نے بحرین   میں  مذاکرات   کیے، جہاں  پر ان کا استقبال  شاہ حماد بن  عیسیٰ  الا خلیفہ   کی جانب سے     ساکر  محل میں  کیا گیا۔

اس موقع پر   بعض  وزراء   ،  مسلح افواج کے سربراہ  جنرل  خلوصی آقار اور  خفیہ سروس کے سربراہ   بھی    صدر  ترکی کے ہمراہ تھے۔

دو طرفہ مذاکرات کے بعد صدر  ایردوان کو  "شیخ عیسیٰ بن سلما ن الا خلیفہ   میڈل" عطا کیا گیا۔

میڈل کی وصولی  پر    جناب ایردوان  نے کہا کہ" میں اس میڈل کو  ترکی اور   بحرین کی حکومتو ں اور  ترک و بحرینی  عوام  کے نام پر قبول کرتا ہوں،  ہمارے پیارے پیغمبر   نے  ایک حدیث  شریف   میں   فرمایا ہے کہ" مسلمان   ایک  عمارت  کے  ستون  کی  طرح  ہیں"    انشااللہ  ہماری  مشترکہ  کوششیں ترکی۔ بحرین   بھائی چارگی کو تقویت  دینے  اور مختلف شعبوں میں     اپنی  بنیادوں  کو  مضبوطی دلانے  میں   بار آور ثابت ہوں گی۔ ترکی   اچھے اور برے   دنوں میں  بحرین  کا ساتھ دینے کے عمل  کو جاری رکھے گا۔"

شاہ  بحرین نے   بھی    ترکی اور بحرین   کے درمیان  دوستی  تعلقات  میں  مزید  پختگی  آنے کا ذکر کیا  ۔

بحرین اور ترکی کے درمیان   تعلیم،  دفاع اور  توانائی کے شعبہ   میں معاہدوں پر دستخط کیے گئے ہیں۔

علاوہ ازیں  ترک  شہریوں  کو  ویزے کی چھوٹ   دینے والے  معاہدے  پر  بھی دستخط  کیے گئے ہیں۔

دستخط تقریب    کے بعد  شاہ بحرین  نے  جناب ایردوان کو خانہ کعبہ   کے غلاف  کے محل میں موجود   ایک نمونے    کی زیارت     بھی  کرائی۔