صدر رجب طیب ایردوان بحرین، سعودی عرب اور قطر کے دورے پر تشریف لے جا رہے ہیں

ترکی کے صدر رجب طیب ایردوان 12 سے 15 فروری کو خلیجی ممالک بحرین، سعودی عرب اور قطر کے سرکاری دورے پر تشریف لے جا رہے ہیں۔

صدارتی دفترکے پریس مرکز کی طرف سے جاری کردہ  بیان کے مطابق صدر ایردوان سب سے پہلے بحرین کا دورہ کریں گے جہاں وہ بحرین کے شاہ حماد بن عیسیٰ الخلیفہ کے ساتھ  اور دیگر اعلیٰ سطحی حکام کے ساتھ ملاقات کریں گے۔

توقع ہے کہ دورے کے دوران دونوں ملکوں کے درمیان متعدد شعبوں میں تعاون کے سمجھوتوں پر دستخط کئے جائیں گے۔

تیرہ فروری کو صدر ایردوان سعودی عرب تشریف لے جائیں گے جہاں وہ سعودی عرب کے شاہ سلمان بن عبدالعزیز، سعودی ولی عہد پرنس محمد بن نائف اور ولی عہد کے قائم مقام محمد بن سلمان  کے ساتھ ملاقات کریں گے۔

سعودی عرب کے بعد صدر ایردوان قطر تشریف لے جائیں گے جہاں وہ قطر کے امیر شیخ تمیم بن حماد الثانی کے ساتھ ملاقات کریں گے۔

یہ دورے  خواہ دو طرفہ سطح پر   ہو خواہ خلیجی تعاون کونسل  اور اسلامی تعاون کمیٹی  جیسی کثیر الجہتی سطح پر بحرین، سعودی عرب اور قطر کے ساتھ تعلقات کے فروغ میں اہم کردار ادا کریں گے۔