فیتو کے اسکولوں کو بند کرنے پر صدر ترکی کا ایتھوپیا کو شکریہ کا پیغام
ترکی کے دورے پر تشریف لانے والے ایتھوپیا کے صدر نے وزیر اعظم اور صدر ترکی سے ملاقات کرتے ہوئے خیر سگالی کے پیغامات دیے ہیں
صدر رجب طیب ایردوان نے دہشت گرد تنظیم فیتو کے ایتھوپیا میں اسکولوں کو ماریف انجمن کے حوالے کیے جانے کا اعلان کرنے والے ایتھوپیئن صدر مولاتو تیشومے وِرتو کا شکریہ ادا کیا ہے۔
ایتھوپیئن صدر وِرتو صدر ایردوان کے سرکاری مہمان کی حیثیت سے انقرہ تشریف لائے ہیں۔
ورتو نے فیتو کی بمباری سے متاثرہ قومی اسمبلی کی عمارت کا دورہ کرتے ہوئے وہاں پر پھول رکھے اور قومی اسمبلی کے قائمقام اسپیکر احمد آئدن سے ملاقات کی۔
ترکی۔ ایتھوپیا تعلقات کے ماضی سے چلے آنے کی وضاحت کرنے والے احمد آئدن کا کہنا تھا کہ دونوں ملکوں کے درمیان سن 1896 سے یعنی سلطان عبدالحمید کے دور سے ابتک گہرے روابط چلے آرہے ہیں۔
قصر ِ چنکایہ میں وزیر اعظم بن علی یلدرم سے ملاقات کرنے والے ورتو کا بعد ازاں ایوان صدر میں جناب رجب طیب ایردوان نے استقبال کیا۔
دونوں سربراہان نے مذاکرات میں بین الاقوامی اور دو طرفہ تعلقات کا جائزہ لیا اور بعد ازاں پریس بریفنگ دی۔
ایتھوپیا میں فیتو کے اسکولوں کو بند کیے جانے سے آگاہی کرانے والے مہمان صدر کا شکریہ ادا کرنے والے صدر ترکی نے کہا کہ"ایتھوپیا ، فیتو کے خونی چہرے کے بنی نو انسانوں کے لیے کسقدر خطرناک ہونے کا اندازہ کرنے والے ہمارے دوست ملکوں میں شامل ہے۔ اس معاملے میں مشترکہ اقدامات اٹھائے جا رہے ہیں۔ ہم نہ صرف ایتھو پیا بلکہ اس گھناؤنی تنظیم کے سرایت کردہ تمام تر ممالک سے اس کا صفایا کرنے پر پُر عزم ہیں۔ کیونکہ یہ سرطان کے خلیوں کی طرح جگہ جگہ پھیلے ہوئے ہیں۔
مہمان صدر نے بھی اس موقع پر 15 جولائی کے روز قیادت کی اعلی مثال پیش کرنے پر صدر ایردوان کو مبارکباد پیش کی اور ترکی سے افریقہ میں مزید سرگرمیوں میں حصہ لینے کی خواہش ظاہر کی۔
