ترکی:3 خطرناک دہشت گرد گرفتار،شہروں میں بڑی تباہی مچانے کا منصوبہ تھا

ترک شہر شانلی عرفا میں  شام سے غیر قانونی طور پر داخل ہونے والے 3 دہشت گرد گرفتار کر لیے گئے۔

 بتایا گیا ہے کہ یہ دہشت گرد، علیحدگی پسند تنظیم پی کےکے کی شام  کی ذیلی شاخ  پی وائی ڈی     سے تعلق رکھتے ہیں جو کہ  رسولین نامی  شہر سے غیر قانونی  راستوں سے  ترکی میں داخل ہونے کی کوشش کر رہے تھے  جنہیں  گرفتارکر لیا گیا ۔

  حفاظتی حکام کا کہنا ہے کہ  یہ دہشت گرد شانلی عرفا     میں واقع سرکاری  عمارتوں اور حفاظتی  اداروں  پر حملوں کی منصوبہ بندی کر رہے تھے ۔

دوسری جانب   تونجیلی شہر   میں بھی  غیر قانونی  تنظیموں سے وابستہ  10 افراد کو بھی حراست میں  لیا گیا جبکہ پولیس نے  ایک کاروائی کے دوران  400 کلوگرام امونیئم نائٹریٹ  اور دیگر    ممنوعہ مواد بھی اپنے قبضے میں لے لیا ۔

 ترک ضلع شرناک کے قصبے  سلوپی  میں بھی پی کےکے    کی جانب سے سڑک کنارے نصب  دھماکہ خیز مواد کو بر وقت مداخلت کرتےہوئے ناکارہ بنا دیا ۔

 علاوہ ازیں،   باتمان  اور بنغول   شہروں میں  بھی  دہشت گرد تنظیم  پی کےکے  کے خلاف  آپریشن    کے نتیجے  بھاری تعداد میں  اسلحہ  برآمد کیا گیا ۔