جزیرہ قبرص میں عقلی، منطقی اور نیک نیتی پر مبنی حل لازمی ہے، آکنجی
ہمیں چاہیے کہ تمام تر طرفین کی جانب سے قابل قبول، نیک نیتی پر مبنی عقلی و منطقی اور حقائق پر مبنی کسی حل کے حصول کی کوششیں صرف کریں
شمالی قبرصی ترک جمہوریہ کے صدر مصطفی آکنجی اور قبرصی یونانی رہنما نکوس اناستاسدیاس نے مسئلہ قبرص کو اقوام متحدہ کی زیر نگرانی کسی وسیع پیمانے کے حل سے ہمکنار کرنے کے زیر مقصد بفر زون میں ملاقات کی۔
یہ ملاقات اقوام متحدہ کے سیکرٹری جنرل کے مشیر ِخصوصی برائے قبرص اسپن بارتھ ایدے کی میزبانی میں شر انجام پائی۔
شمالی قبرص کے صدر آکنجی نے اس ملاقات کے بعد اپنے اعلان میں کہا ہے کہ قبرص میں کسی ممکنہ حل کے حصول کے بعد جزیرے کے ارد گرد کے سمندر میں قدرتی گیس کے ذخائر کو اسرائیلی قدرتی گیس کے ساتھ اکٹھا کرتے ہوئے براستہ ترکی، ترکی اور یورپ کی قدرتی گیس کی ضرورت کو پورا کرنا منطقی، سستا اور مختصر ترین راستہ ہو گا۔
بحیرہ روم کے قدرتی گیس کے ذخائر کے کسی واحد طبقے کی ملکیت نہ ہونے بلکہ ایک مشترکہ سرمایہ ہونے کی جانب اشارہ کرنے والے جناب آکنجی نے بتایا کہ اس چیز کو کشیدگی پیدا کرنے کے بجائے باہمی تعاون کو فروغ دینے کا ایک ذریعہ بنایا جانا چاہیے، میں سمجھتا ہوں کہ ہم اس عمل میں کامیاب بھی ہو سکتے ہیں۔
انہوں نے مزید بتایا کہ قبرص مذاکرات میں طرفین کی سلامتی و ضمانت کے معاملے میں مختلف پوزیشنز کی موجودگی ایک صیغہ راز نہیں ہے۔ ہمیں چاہیے کہ تمام تر طرفین کی جانب سے قابل قبول، نیک نیتی پر مبنی عقلی و منطقی اور حقائق پر مبنی کسی حل کے حصول کی کوششیں صرف کریں۔
