ضمانتی ممالک کی شرکت سے قبرص کانفرنس کا انعقاد
12 جنوری کو ضمانتی ممالک ترکی ،یونان اور برطانیہ کی شرکت سے قبرص کانفرنس کا انعقاد ہو گا ۔
شمالی قبرصی ترک جمہوریہ کے صدر مصطفیٰ عاکنجی اور قبرصی یونانی انتظامیہ کے رہنما نیکوس اناستاسیادس مسئلہ قبرص کے حل کے سلسلے میں جاری مذاکرات کے دائرہ کار میں آج غیر جانبدار علاقے میں مذاکرات کریں گے ۔
یہ مذاکرات نو جنوری کو دوبارہ شروع ہونے والے مذاکرات کی تیاری کی نوعیت کے حامل ہیں ۔ سوئٹزر لینڈ کے قصبے مونٹ پیلیرین میں گزشتہ ماہ قبرص مذاکرات کی ناکامی کے بعد قبرص کے دونوں رہنماوں نے یکم دسمبر کو ان مذاکرات کو دوبارہ شروع کرنے کا فیصلہ کیا تھا۔ دونوں رہنما جنیوا میں مذاکرات کو دوبارہ شروع کریں گے ۔11 جنوری کو قبرص کے نقشے کو سامنے رکھ کر اہم ترین مذاکرات شروع ہونگے اور 12 جنوری کو ضمانتی ممالک ترکی ،یونان اور برطانیہ کی شرکت سے قبرص کانفرنس کا انعقاد ہو گا ۔ صدر رجب طیب ایردوان اس کانفرنس میں شرکت کریں گے ۔
دریں اثناء شمالی قبرصی ترک جمہوریہ کے صدر مصطفیٰ عاکنجی نے پارلیمنٹ میں نمائندگی کرنے والی تمام سیاسی پارٹیوں کو مذاکراتی عمل میں شرکت کے لیے جنیوا آنے کی دعوت دی ہے ۔
