نائب صدر جو بائیڈن کا دورہ ترکی کی حمایت کا مظہر ہے ،جوش ایرنسٹ

وائٹ ہاؤس کے ترجمان جوش ایرنسٹ نے کہا  ہے کہ ترکی کیطرف سے شروع کردہ فرات کمان  فوجی اپریشن داعش کیخلاف جدوجہد کی واضح مثال ہے ۔

وائٹ ہاؤس کے ترجمان جوش ایرنسٹ نے یومیہ پریس کانفرنس سے خطاب کرتے ہوئے  ترک مسلح افواج اور اتحادی قوتوں کیطرف سے شام میں  ترکی کی سرحد  کے قریبی علاقے جرابلوس میں دہشت گرد تنظیم داعش کے خلاف شروع کردہ فرات کمان فوجی اپریشن سے متعلق  صحافیوں کےسوالات کے جواب دیئے ۔

 انھوں  نے کہا کہ  امریکہ کافی عرصے سے شام کے اس سرحدی علاقے میں داعش کیخلاف کاروائی کے لیے ترکی  کی حوصلہ افزائی کر رہا تھا ۔ امریکہ کے صدر باراک اوباما اور صدر ایردوان نے انطالیہ میں ہونے والے جی ٹوئنٹی سربراہی اجلاس میں بھی  اس موضوع  پر غور کیا تھا ۔ ترکی کیطرف سے فوجی کاروائی کا آغاز اہم پیش رفت ہے ۔ داعش اس علاقے  کو لوجسٹک امداد کی نقل وحمل کے لیے  استعمال کر رہا  ہے لہذا  سٹریٹیجک اہمیت کے اس سرحدی علاقے کو بند کرنے کی ضرورت تھی ۔نیٹو کے حلیف ملک  ترکی  کا فوجی کاروائی کا فیصلہ داعش کیخلاف  جدوجہد    میں انتہائی اہمیت رکھتا ہے۔

انھوں نے کہا کہ ترکی اور امریکہ کے درمیان بہترین تعلقات موجود ہیں  اور ترکی ہمارا اہم حلیف ملک ہے یہی وجہ ہے کہ ایک ماہ قبل ترکی کی منتخب حکومت کاتختہ الٹانے کی کوشش  کے بعد امریکہ کی حمایت کے اظہار  کے لیے امریکہ کے نائب صدر جو بائیڈن  نے ترکی کی دورہ کیا ہے ۔

ایرنسٹ نے  کہا کہ حکومت ترکی اور عوام کو یہ حقیقت سمجھ لینی چاہئیے کہ دنیا کی سب  سے بڑی ڈیموکریسی امریکہ ترکی کی ڈیموکریسی کا بڑا حامی ہے ۔ انھوں نے دہشت گرد تنظیم فیتو کے سرغنہ فتح اللہ گولن کی  ترکی کو حوالگی سے متعلق  ایک سوال کے جواب میں کہا کہ دونوں ممالک کے درمیان موجود معاہدوں اور قانونی اصولوں کی روشنی میں فیصلے کیے جائیں گے ۔

امریکی وزارت خارجہ کی ترجمان الیزابیتھ ٹروڈیو  نے بھی یومیہ پریس کانفرنس سے خطاب کرتے ہوئے  گولن کی حوالگی کے موضوع پر اظہار خیال کرتے ہوئے کہا کہ مجرموں کی حوالگی کے عمل  کے لیے  کافی وقت درکار ہوتا ہے ۔ ہم ترکی کیطرف سے  بھیجی  گئی دستاویزات کا جائزہ لے رہے ہیں اور ترک حکام کیساتھ رابطہ جاری رہے گا ۔ 

امریکہ کے نائب صدر جو بائیڈن کے ترکی کے دورے کے دوران کردی قوتوں  کے فرات کے مغربی علاقے کو خالی نہ کرنے کی صورت میں  ان کی حمایت ختم کر دینے کے بیان کی یاد دھانی پر انھوں نے کہا کہ  کردی قوتوں نے علاقے کو خالی کرنے کا وعدہ کیا ہے۔  کردی کمانڈروں نے کہا ہے کہ وہ داعش کے قبضے سے واگزار کروائے گئے علاقوں کو مقامی عوام کے حوالے کریں گے ۔ہمیں امید ہے کہ وہ اپنے وعدوں کی پاسداری کریں گے ۔ 

 جو بائیڈن کے دورہ ترکی کے بارے میں انھوں نے کہا کہ ترکی نہ صرف نیٹو  کا رکن اور ہمارا حلیف ملک ہے بلکہ وہ داعش کے خلاف جدوجہد میں بھی اہم کردار ادا کر رہا ہے ۔

۔