جب موضوع بحث ترکی ہو تو اعتراضات اٹھائے جاتے ہیں
اگر مغرب میں اس سے مشابہہ واقعہ پیش آتا تو وہ اس سے ،جو ہم نے کیا ہے، دس گنا زیادہ کرتے۔ جمال الدین قانی تورن
ترکی کی قومی اسمبلی کے امور خارجہ کمیشن کے سربراہ جمال الدین قانی تورن نے کہا ہے کہ ترک ملت کو 15 جولائی کی رات کو ایک شر انگیز واقعے کا سامنا کرنا پڑا۔
انہوں نے کہا کہ ان غداروں نے حکومت پر قبضے کی کوشش کی لیکن ترک ملت کے ان کے مقابل آنے پر اس جتھے کے اراکین کی اکثریت کو گرفتار کر لیا گیا ہے۔
15 جولائی کو فتح اللہ دہشت گرد تنظیم یا متوازی حکومتی ساخت FETO/PDY کی طرف سے حکومت پر قبضے کے اقدام کے بارے میں دنیا کو آگاہ کرنے کے لئے ترکی کی قومی اسمبلی کے امور خارجہ کمیشن کے اراکین پر مشتمل وفد کینیڈا کے دورے پر ہے جہاں وفد نے مونٹرئل ترک ثقافتی مرکز میں ترک شہریوں کے ساتھ ملاقات کی۔
اجلاس سے خطاب کرتے ہوئے وفد کے سربراہ جمال الدین کانی تورن نے کہا کہ پوری دنیا کو ترک ملت کی طاقت سے واقف ہونا چاہیے۔
انہوں نے ترکی میں ہنگامی حالات کے اعلان سے متعلق مغرب کے روّیے پر بھی تنقید کی۔
تورن نے کہا کہ فرانس میں ماہِ نومبر سے لے کر اب تک ہنگامی حالات کا اطلاق جاری ہے لیکن ا س کے خلاف کوئی آواز نہیں اٹھاتا۔ لیکن جب موضوع بحث ترکی ہو تو اس معاملے میں اعتراضات اٹھائے جاتے ہیں۔ اگر مغرب میں اس سے مشابہہ واقعہ پیش آتا تو وہ اس سے ،جو ہم نے کیا ہے، دس گنا زیادہ کرتے۔
قومی اسمبلی کے امور خارجہ کمیشن کا وفد اوٹاوا میں ملاقاتوں کے بعد ٹورنٹو چلا جائے گا۔
متعللقہ خبریں
ترکیہ آرمینیا کے فلسطین کو تسلیم کرنے کا خیر مقدم کرتا ہے، دفترِ خارجہ
فلسطین کو تسلیم کرنا بین الاقوامی قانون، انصاف اور ضمیر کا تقاضا ہے
صوبہ شرناک میں ایک خصوصی آپریشن میں 4 دہشت گرد غیر فعال
بیت الشباب کے نواحی علاقوں میں علیحدگی پسند دہشت گرد تنظیم کے رکن دہشت گردوں کے ساتھ جھڑپ ہوئی
