یورپی یونین کو ماہ اکتوبر تک ویزے کی چھوٹ دینی ہو گی، وزیر خارجہ

وزیر خارجہ  میولود چاوش اولو  کا کہنا ہے کہ اگر   ترک  شہریوں کو  ماہ اکتوبر  تک    یورپی یونین کےملکوں میں   بلا  ویزے کے    سیر و سیاحت کرنے  کا حق نہ دیا گیا تو پھر واپسی قبول  معاہدہ کالعدم  بن جائیگا۔

جرمن    روزنامہ    فرینکفرٹر  الا گمائن    زائی تونگ     سے انٹرویو  میں      چاوش اولو نے کہا   کہ    یورپی  یونین   کے ساتھ  18  مارچ کو  طے پانے والے   معاہدے پر  ترکی کی  بھر پور  کوششوں کے ساتھ عمل در آمد کیا جا رہا ہے ،   جس کے     بدلے      ترک شہریوں   کو ویزے  کی چھوٹ     دینے کا عندیہ دیا گیا تھا۔

ترکی کی  اس توقع کو کسی دھمکی کے طور پر    تصور نہ کیے جانے  پر زور دینے والے جناب چاوش اولو نے کہا کہ" اگر  ویزے کی چھوٹ   نہ دی گئی تو  پھر ہم  بھی واپسی قبول معاہدے     سے پیچھے قدم ہٹانے پر    مجبور ہو جائینگے۔ "

انہوں نے اس بات پر زور دیا ہے  کہ حکومتِ ترکی   ویزے  کی چھوٹ کے حوالے سے   کسی  قطعی  تاریخ   کی  منتظر ہے،  یہ ماہ اکتوبر   کی  کوئی بھی   تاریخ ہو سکتی ہے۔