ترکی بھر میں جمہوریت کی بقا کے لیےعوام سڑکوں اور میدانوں میں
دارالحکومت انقرہ کے قزلائی چوک میں بچے ، نوجوان اور بوڑھے سب جمع تھے، نجی تعلیمی اداروں کے بانیوں، ملازمین ، اساتذہ اور طلباء بھی نے بھی اسی مقام پر مجمع لگاتے ہوئے جمہوری اقدار سے اپنی وابستگی کا بھر پور طریقے سے اظہار کیا
فوجی بغاوت کے خلاف جاری جمہوریت کی پہرہ داری کے عمل کے دوسرے ہفتے کے دوران بھی چوکوں میں شہریوں کا ایک بڑا ہجوم جمع تھا۔
دارالحکومت انقرہ کے قزلائی چوک میں بچے ، نوجوان اور بوڑھے سب جمع تھے، نجی تعلیمی اداروں کے بانیوں، ملازمین ، اساتذہ اور طلباء بھی نے بھی اسی مقام پر مجمع لگاتے ہوئے جمہوری اقدار سے اپنی وابستگی کا بھر پور طریقے سے اظہار کیا۔
ان لوگوں نے ہاتھوں میں پرچم اٹھا رکھے تھے اور انہوں نے بڑے جوش و ولولے سے ملی نغمے گائے۔ یہ جشن پو پھٹنے تک جاری رہا۔
بیش تپے کی ملت جامع مسجد کے سامنے جمہوریت کی پاسداری کرنے والوں میں افسوس، آنسو اور فخر کے جذبات بیک وقت دیکھے جا سکتے تھے۔
صدارتی کلیہ کے ملت کانگریس و ثقافتی مرکز میں منعقدہ "شہیدوں کی یاد میں خصوصی پروگرام" کو بڑی بڑی اسکرینوں پر سب سے مل کر دیکھا۔
ملت مسجد کے سامنے جمع ہزاروں کی تعداد میں شہریوں نے خونریز فوجی بغاوت کو دبانے کے لیے اپنی جانوں کا نذرانہ پیش کرنےو الے شہدا کے لیے آنسو بہائے۔
یہ بات قابل توجہ تھی کہ خصوصی یادگاری تقریب کے دوران نہ صرف شہیدوں کے لواحقین کی بلکہ تمام تر پروٹوکول کی آنکھیں پُر نم تھیں۔
تمام تر شرکاء نے وطن و ملت اور شہدا کے لیے دعائیں مانگیں۔
استنبول میں بھی اسی عزم و ہیجان کے ساتھ جمہوریت کا پہرہ جاری ہے، سابق صدر عبداللہ گل اور بعض فنکاروں نے بھی بے کوز علاقے میں اس پہرے میں حصہ لیا۔
صدر ترکی رجب طیب ایردوان کی استنبول میں رہائش گاہ کے سامنے بھی عوام دلجمعی اور مصمم ارادے سے پہرہ دے رہی ہے۔
استنبول کے مشہور تقسیم چوک میں بھی انقرہ میں منعقدہ یادگاری تقریب کو بڑی اسکرینوں پر مجمع نے ٹی آر ٹی کے چینلز کےذریعے دیکھا ۔
برسا شہر کی تحصیل ازنک میں جمہوریت کے پہرے میں وزیر اعظم بن علی یلدرم نے ، ازنک ناظمِ بلدیہ سے موبائل فون کے ذریعے ویڈیو کال کے ذریعے رابطہ قائم کرتے ہوئے میدان میں جمع عوام کو اتحاد ویکجہتی کا پیغام دیا۔
ان کا کہنا تھا کہ "ملت کے ناقابل تسخیر اور ترکی کے ناقابل ِ شکست ہونے کا واضح طور پر مشاہدہ ہوا ہے، آج ہم اس قوم و ملک پر کہیں زیادہ یقین اور بھروسہ رکھتے ہیں۔ اللہ کریم ہمارے ملک و قوم کو دوبارہ ایسے دردناک واقعات سے محفوظ رکھے۔ مسلح بغاوت کی کوشش کرنے والے خونیوں اور فیتو دہشت گرد تنظیم کے دہشت گردوں نے سوچا تھا کہ وہ اپنی کرتوتوں میں کامیاب رہیں گے لیکن ہمارے شہدا، غازیوں اور تمام تر عوام نے ان کے گھناؤنے عزائم کو چکنا چور کر دیا۔ "
