ترکی کی ناکام فوجی بغاوت کے دوران پاکستان کے کردار کی تعریف

ترکی نے ملک میں حالیہ ناکام فوجی بغاوت کے دوران پاکستان کے کردار کی تعریف کرتے ہوئے کہا ہے کہ برادر ملک کی جانب سے اسی ردعمل کی امید تھی۔
دفتر خارجہ کے ترجمان نفیس ذکریا نے ریڈیو پاکستان کے خبروںاور حالات حاضرہ کے چینل کو ایک انٹرویو میں کہا کہ وزیراعظم محمد نواز شریف نے ترکی میں فوجی بغاوت کی شدیدمذمت کی اور ترک حکومت اور عوام سے مکمل اظہار یکجہتی کیا تھا۔
نفیس ذکریا نے کہا کہ پاکستان اور ترکی برادر ملک ہیں اور دونوں ملکوں کی حکومتوں اور عوام کے درمیان قریبی روابط ہیں انہوں نے کہا کہ پاکستان قریبی دوست کی حیثیت سے ترکی میں امن اور استحکام کا خواہش مند ہے۔