عید الفطر کے حوالے سے صدرِ ترکی کا خصوصی پیغام

صدر ترکی رجب طیب ایردوان  کا کہنا ہے  کہ  عیدیں  بھائی چارے کے عہد کو پختگی دلانے    میں    اہم مواقع ہیں۔

جناب ایردوان نے  عیدالفطر کے حوالے سے  اپنا  خصوصی پیغام جاری کرتے ہوئے کہا کہ"میرے پیارے ہم وطنوں ،   برکتوں و رحمتوں کے  مہینے   رمضان المبارک    کو الوداع کہتے ہوئے ہم     عید  سعید    سے   سرفراز ہو رہے ہیں۔ میں  تمام  تر    ترک قوم    کو    عید الفطر کی  دلی مبارکباد پیش کرتا ہوں ۔"

انہوں نے  کہا کہ" ہم نے ایک ماہ  پر محیط اس عرصے میں بھائی چارے، تعاون،   ملنساری  اور باہمی امداد کے   جذبات    کا بھر پور طریقے سے اظہار کیا ہے۔ شہروں، قصبوں،  دیہاتوں میں  سب نے   مل جل کر  افطاریاں کیں۔  اب  ہم  عیدالفطر کو   بڑی عقیدت واحترام سے منا رہے ہیں۔  یہ  مذہبی  تہوار  رب العزت  کی نعمتوں سے مالا مال ہونے کے ساتھ ساتھ قومی  اتحاد و  یکجہتی کے جذبات کو مزید نکھارنے    کے لیے اہم  مواقع ہیں۔"

مسلم  دنیا میں ماہ  رمضان میں   بھی  کٹھن حالات اور دردناک واقعات  کا سامنا  کرنے    پر زور دینے والے  صدرِ ترکی نے کہا کہ  ایک  ہی قبلے   کی جانب   رخ کرنے والے   تمام  تر مسلم    بھائی بہنوں  کو  عید سعید کی مبارکباد پیش کرتا ہوں۔