سلامتی کونسل کا ڈھانچہ اانصاف کے تقاضوں کو پورا نہیں کرتا، ایردوان

صدر   رجب طیب  ایردوان  نے  اقوام متحدہ  کی  سلامتی  کونسل کے ڈھانچے  میں عدم انصافی  پر  توجہ مبذول کراتے ہوئے  کہا کہ   مہاجرین  کے  المیہ کے   سامنے  عالمی    سطح پر انصاف    فراہم     کرنے کے ذمہ دار     ادارے  جمود اور    رکاوٹوں   کا شکار  ہیں۔

صدر ایردوان نے  استنبول  کے دولما باھچے  پیلس میں     بین  الاقوامی  اعلی اداراتی       عدالتی       اداروں  کی یونین  کے     کنونشن  گالا    میں  شرکت کی۔

انہوں نے  اس موقع پر کہ  " ابتک ترکی نے  سمندروں  سے  ایک لاکھ دس ہزار مہاجرین   کو    جمع کیا ہے۔انسانی ضمیر   کو پاش پاش کرنے  والے   ان مناظر کے باوجود    عالمی سطح پر انصاف کے قیام   کے ذمہ دار ادارے   بے حسی  کا مظاہرہ کر رہے ہیں۔ مفادات  کے اندیشے    انسانی  زندگی    کا   اولین مقصد  بن چکے ہیں۔   اس بنا پر ہم  ' دنیا  5     ملکوں  سے بڑی ہے'   کہتے ہوئے   اقوام  متحدہ کی سلامتی کونسل کے ڈھانچے میں موجود عدم انصافی  پر توجہ مبذول کرا رہے ہیں۔"

صدر  ترکی نے مزید بتایا کہ  " انصاف کا ترازو    ہماری  قدیم  ریاستی  مفاہمت  ہونے     کے ساتھ ساتھ    انتظامیہ  و سیاسی         نظریات  کا   بھی آئینہ دار ہے۔   جس پر سن 2002 سے کار بند ہوتے ہوئے ہم نے       سماجی، سیاسی اور معاشی اعتبار   سے  انصاف کا    دامن  ہاتھ سے نہیں  چھوڑا۔   تا ہم    بڑے افسوس سے کہنا پڑتا ہے کہ نا انصافیوں    کو   دور کرنے      کی ہماری کوششوں کے سامنے    ہمیشہ  رکاوٹیں  ہی کھڑی کی گئیں۔ان رکاوٹوں میں سے ایک    دہشت گردی ہے۔ علیحدگی پسند  تنظیم   خاص طور پر ہمارے   مشرقی  اور جنوب مشرقی  علاقوں میں    ہماری   بنیادی  ڈھانچے کو مضبوطی دلانے   پر مبنی سرمایہ کاری کو سبو تاژ کرنے کے درپے ہے۔