جن کا خیال ہے کہ انہوں نے ترکی سے بدل ادا کروا دیا ہے اصل میں وہ خود بدل ادا کریں گے

ترکی کے صدر رجب طیب ایردوان نے کہا ہے کہ ملک کے اندر اور باہر جن لوگوں کا یہ خیال ہے کہ انہوں نے ترکی سے بدل ادا کروا دیا ہے اصل میں وہ خود بدل ادا کریں گے۔

انہوں نے کہا کہ " کوئی بھی ترکی کے راستے میں رکاوٹ نہیں کھڑی کر سکے گا اور مجھے یقین ہے کہ ہم دہشت گردی پر قابو پا لیں گے"۔

صدر ایردوان نے کل 14 مارچ یومِ طب کے موقع پر کل دارالحکومت انقرہ میں ہونے والے دہشت گردی کے مذموم حملے کا جائزہ لیا۔

انہوں نے کہا کہ" انقرہ میں کزل آئی کا علاقہ کوئی معمولی جگہ نہیں ایک علامتی مرکز ہے۔ اس جگہ پر حملے سے جو دکھائی دیتا ہے وہ یہ کہ حملہ آوروں کے خصوصی اہداف موجود ہیں"۔

صدر ایردوان نے کہا کہ "کزل آئی اسکوائر کا حملہ اِس یا اُس طبقے پر نہیں براہ راست پورے معاشرے پر کیا گیا ہے۔ معاشرے کا خلاصہ پیش کرنے والی جگہ اور لوگوں پر کیا جانے والا یہ حملہ اصل میں دہشت گرد تنظیم کے حقیقی چہرے کو بے نقاب کر رہا ہے"۔

انہوں نے کہا کہ" کوئی ایسی دہشت گرد تنظیم نہیں ہے جو پوری قوم کے خلاف جنگ کا آغاز کرے اور اس میں کامیاب ہو جائے"۔

صدر رجب طیب ایردوان نے مزید کہا کہ "ترکی کے راستے میں رکاوٹ نہیں کھڑی کی جا سکے گی"۔