ترکی وہاں بھی پہنچا ہے کہ جہاں کوئی نہیں گیا
اگر مظلوم ترکی کا دروازہ کھٹکھٹاتے ہیں تو ترکی ان کی طرف سے لاتعلق نہیں رہے گا۔ یالچن آق دوعان
![ترکی وہاں بھی پہنچا ہے کہ جہاں کوئی نہیں گیا](http://cdn.trt.net.tr/images/xlarge/rectangle/631c/28ca/24b3/56cde759c4f95.jpg?time=1719039553)
ترکی کے نائب وزیر اعظم یالچن آق دوعان نے کہا ہے کہ ترکی نے خاص طور پر حالیہ کچھ سالوں سے لے کر اب تک جس انسانی ڈپلومیسی اور وجدان کا مظاہرہ کیا ہے اس کی بدولت یہ ملک انسانیت کی آواز بن گیا ہے۔
نائب وزیر اعظم یالچن آق دوعان نے ترکی کی قومی اسمبلی کی جنرل کمیٹی میں ترکی تعاون و ترقیاتی کمیٹی TİKA ، بیرون ملک مقیم ترکوں اور ترک کمیونٹیوں کی ڈائریکٹریٹ، آفات و ہنگامی حالات کی ڈائریکٹریٹ AFAD اور وقوف کی ڈائریکٹریٹ کے بجٹوں کو پیش کیا۔
انہوں نے کہا کہ ان اداروں میں سے ہر ایک ترکی کے اور ترک ملت کے لئے باعث فخر ہے۔
انہوں نے کہا کہ دنیا بھر کے متعدد مقامات پر ان اداروں کے کام کی وجہ سے ترکی کو عزت، احترام اور محبت سے دیکھا جاتا ہے۔
آق دوعان نے کہا کہ اگر مظلوم ترکی کا دروازہ کھٹکھٹاتے ہیں تو ترکی ان کی طرف سے لاتعلق نہیں رہے گا۔ ترقی یافتہ ممالک اقتصادی بحران کا بہانہ بنا کر ترقیاتی امداد میں کمی کر رہے ہیں لیکن ترکی نے دنیا میں جہاں بھی کوئی مظلوم ہے اس کے ساتھ اپنی روٹی کو بانٹا ہے، ترکی وہاں بھی پہنچا ہے کہ جہاں کوئی نہیں گیا اور ترکی نے اپنے امکانات کو بلا تفریق انسانیت کی خدمت کے لئے استعمال کیا ہے۔
انہوں نے کہا کہ ترکی نے سرکاری طور پر سال 2003 میں 85 ملین ڈالر کی ترقیاتی امداد کی ہے اور سال 2014 میں یہ سرکاری ترقیاتی امداد 3 بلین 591 ملین ڈالر تک پہنچ گئی ہے۔
یالچن آق دوعان نے کہا کہ سال 2002 سے 2015 تک کے 12 سالہ دورانیے میں تیکا کے دنیا بھر میں دفاتر کی تعداد 12 سے 50 تک پہنچ گئی اور کل منصوبوں کی تعداد کو بھی 2 ہزار سے بڑھا کر 18 ہزار کر دیا گیا ہے، تیکا اس وقت 150 سے زائد ممالک میں خدمات پیش کر رہا ہے اور کروشیا میں بھی ایک دفتر کھولنے کے لئے کاروائیاں جاری ہیں۔
متعللقہ خبریں
![ترکیہ آرمینیا کے فلسطین کو تسلیم کرنے کا خیر مقدم کرتا ہے، دفترِ خارجہ](http://cdn.trt.net.tr/images/medium/rectangle/d431/4da4/2a0f/665576b9c9569.jpg?time=1719039554)
ترکیہ آرمینیا کے فلسطین کو تسلیم کرنے کا خیر مقدم کرتا ہے، دفترِ خارجہ
فلسطین کو تسلیم کرنا بین الاقوامی قانون، انصاف اور ضمیر کا تقاضا ہے
![صوبہ شرناک میں ایک خصوصی آپریشن میں 4 دہشت گرد غیر فعال](http://cdn.trt.net.tr/images/medium/rectangle/cb09/0bb8/be30/667528251ad6f.jpg?time=1719039554)
صوبہ شرناک میں ایک خصوصی آپریشن میں 4 دہشت گرد غیر فعال
بیت الشباب کے نواحی علاقوں میں علیحدگی پسند دہشت گرد تنظیم کے رکن دہشت گردوں کے ساتھ جھڑپ ہوئی