وزیر اعظم کی سول سوسائیٹیز کے نمائندوں کیساتھ ملاقات

وزیر اعظم احمد داؤد اولو نے کہا ہے کہ دہشت گردی سے نقصان پہنچنے والی تمام تحصیلوں کی اسطرح تعمیر نو کروائی جائے گی جو پوری دنیا کے لیے قابل رشک ہو گی ۔

انھوں نے مشرقی اور جنوب مشرقی اناطولیہ کے علاقوں سے آنے والے سول سوسائیٹیز کے نمائندوں کیساتھ قصر چنقایہ میں ملاقات کے دوران علاقے میں اٹھائے جانے والے اقدامات کے بارے میں معلومات فراہم کیں اور کہا کہ ہم ایک ایسے ترکی کو وجود میں لا رہے ہیں جہاں تمام شہری آزادی کیساتھ اپنی شناخت کروا سکیں گے اور کسی کیساتھ امتیاز نہیں برتا جائے گا ۔ پی کے کے نے جھوٹی مخبروں کیساتھ ایمبولینسوں کو بلا کر ان پر فائرنگ کی ہے اور انھوں نے کئی ایمبولینسوں کو نذر آتش بھی کر دیا ہے ۔ انھوں نے شہروں کے اندر خندقیں کھودی ہیں اور تعلیمی اور مواصلاتی خدمات کی راہ میں رکاوٹیں کھڑی کی ہیں ۔وزیر اعظم داود اولو نے کہا کہ دہشت گردوں کی ہر طرح کی رکاوٹوں کے باوجود جدوجہد کو جاری رکھا جائے گا لیکن اس جدوجہد میں سول سوسائیٹیز کی معاونت بھی ضروری ہے ۔