صدر ایردوان کی زیر قیادت آج قومی سلامتی کی کمیٹی کا اجلاس

صدر رجب طیب ایردوان کی زیر قیادت آج قومی سلامتی کی کمیٹی کا اجلاس ہو گا جس میں دہشت گردی کےموضوع کا جائزہ لیا جائے گا ۔

اجلاس میں جنوب مشرقی اناطولیہ کے بعض علاقوں میں دہشت گردوں کیخلاف جاری کاروائیوں کے نتائج اور علاقے میں فوجی ،سماجی اور اقتصادی شعبوں میں اٹھائے جانے والے اقدامات ،علاقے میں کاروائیاں کرنے والی سلامتی قوتوں کو بکتر بند گاڑیوں اور اسلحے کی فراہمی کے علاوہ دہشت گردی کیخلاف جدوجہد کے 303 شقوں پر مبنی ماسٹر پلان ،شام کی صورتحال اور جنیوا مذاکرات میں ترکی کیطرف سے اٹھائے جانے والے اقدامات کا جائزہ لیاجائے گا ۔ اجلاس میں وزیر مواصلات،خبر رسانی اور جہاز رانی بن علی یلدرم سائبر سکیورٹی کے بارے میں معلومات فراہم کریں گے ۔