ترکی کی زیر صدارت جی ٹونٹی سربراہی اجلاس

صدارتی ترجمان ابراہیم کالن نے کہا ہے کہ 15 نومبر کو انطالیہ میں شروع ہونے والے جی ٹونٹی سربراہی اجلاس میں شام کے بحران اور داعش کیخلاف جدوجہد جیسے موضوعات کو اولیت دی جائے گی ۔
انھوں نے صدارتی محل میں صحافیوں سے بات چیت کرتے ہوئے کہا کہ 15 نومبر کو وزیر اعظم احمد داؤد اولو کیطرف سے دئیے جانے والے عصرانے کے بعد سربراہان" ہجرت کے بحران اور دہشت گردی" کے موضوع پر اجلاس منعقد کریں گے ۔ترکی جی ٹونٹی کے دور صدارت میں چھ مختلف موضوعات پر اجلاس منعقد کرئے گا ۔ ان کے علاوہ ما حولیاتی تبدیلیوں ،توانائی کے شعبے میں تعاون ،ری سائیکلنگ ترقی جیسے عالمی ایجنڈے میں شامل موضوعات کا بھی جائزہ لیا جائے گا ۔ انھوں نے کہا کہ صدر ایردوان سربراہی اجلاس میں شرکت کرنے والے سربراہان سے دوطرفہ مذاکرات کریں گے ۔