ترکی اوریورپی یونین کی پناہ گزینوں سے متعلق مشترکہ حکمت

وزیراعظم احمد داؤد اولو نے یورپی کونسل کے صدر ڈونلڈ ٹسک کے ہمراہ مشترکہ پریس کانفرنس سے خطاب کرتے ہوئے دہشت گردی کے خلاف جدو جہد کی ضرورت پر زور دیا ہے۔
انہوں نے کہا کہ دہشت گرد تنظیم " پی کے کے" کے خلاف ہمیں شانہ بشانہ کام کرنے کی ضرورت ہے ۔ انہوں نے یورپی یونین سے بھی اس سلسلے میں حمایت کی اپیل کی ہے۔
انہوں نے کہا کہ دہشت گردی کی روک تھام کے لیے فوجی کاروائی کو جاری رکھا جائے گا اور دہشت گردوں کے ٹھکانوں کو نشانہ بنایا جاتا رہے گا۔
انہوں نے کہا کہ شامی پناہ گزینوں کا بحران اب یورپ کے دروازے تک پہنچ چکا ہے۔
انہوں نے کہا کہ یہ مسئلہ ایسا مسئلہ نہیں ہے جسے وقت کے دھارے پر چھوڑ دیا جائے بلکہ اس مسئلے کے حل کی طرف تمام توجہ مبذول کرتے ہوئے اسے حل کرنے کی فوری ضرورت ہے۔
انہوں نے کہا شام، عراق اور لیبیا کے مہاجرین کے بارے میں ترکی اور یورپی یونین کو مشترکہ طور پر حکمتِ عملی اختیار کرنے کی ضرورت ہے۔