مہاجرین کے معاملے میں پوری انسانیت کو اپنا کردار ادا کرنا چاہیے
کسی ملک کا جغرافیائی اعتبار سے قریب ہونا واحد ذمہ دارہونے کا مفہوم نہیں رکھتا۔ ہمیں بھی اس پہلو پر غور کرنا چاہیے کہ ہم اس معاملے میں کیسے مدد کر سکتے ہیں: کرسٹین لاگارڈ
ترکی کے وزیر اعظم احمد داود اولو نے کہا ہے کہ مہاجرین کے موضوع پر یورپ کا منفی روّیہ اقتصادی بحران کا نفسیاتی نتیجہ ہے۔۔۔
جی۔20 کے دائرہ کار میں ترکی میں منعقدہ وزرائے خزانہ اور مرکزی بینکوں کے سربراہان کا اجلاس اختتام پذیر ہو گیا ہے۔
وزیر اعظم احمد داود اولو نے اجلاس سے خطاب میں کہا کہ سال 2008 کے اقتصادی بحران کے بعد بڑے پیمانے پر مالیاتی، سماجی اور اقتصادی مسائل سامنے آئے جن کے نتیجے میں متعدد ممالک میں سیاسی بحران پیدا ہوئے اور قومیت پرستی کی تحریکوں نے زور پکڑا۔
نائب وزیر اعظم جیودت یلماز نے بھی اجلاس سے خطاب کیا اور مہاجرین کے مسئلے سے ایک انسانی المیہ پیدا ہونے پر زور دیا۔
یلماز نے کہا کہ مہاجرین کے لئے سرحدیں کھولنے کے موضوع پر صرف ترکی کی فداکاری کافی نہیں ہے بلکہ اس مسئلہ میں پوری انسانیت کو اپنا کردار ادا کرنا چاہیے۔
انہوں نے کہا کہ مہاجرین کے مسئلے نے اقتصادی بڑھوتی پر منفی اثرات مرتب کئے ہیں۔
عالمی مالیاتی فنڈ 'آئی ایم ایف' کی سربراہ کرسٹین لاگارڈ نے اپنے خطاب میں شامی مہاجرین کے لئے سرحدیں کھولنے پر ترکی کا شکریہ ادا کیا۔
لاگارڈ نے کہا کہ "یہ ذمہ داری ہر ایک پر عائد ہوتی ہے۔ کسی ملک کا جغرافیائی اعتبار سے قریب ہونا واحد ذمہ دارہونے کا مفہوم نہیں رکھتا۔ ہمیں بھی اس پہلو پر غور کرنا چاہیے کہ ہم اس معاملے میں کیسے مدد کر سکتے ہیں"۔
متعللقہ خبریں
![ترکیہ آرمینیا کے فلسطین کو تسلیم کرنے کا خیر مقدم کرتا ہے، دفترِ خارجہ](http://cdn.trt.net.tr/images/medium/rectangle/d431/4da4/2a0f/665576b9c9569.jpg?time=1719101053)
ترکیہ آرمینیا کے فلسطین کو تسلیم کرنے کا خیر مقدم کرتا ہے، دفترِ خارجہ
فلسطین کو تسلیم کرنا بین الاقوامی قانون، انصاف اور ضمیر کا تقاضا ہے
![صوبہ شرناک میں ایک خصوصی آپریشن میں 4 دہشت گرد غیر فعال](http://cdn.trt.net.tr/images/medium/rectangle/cb09/0bb8/be30/667528251ad6f.jpg?time=1719101053)
صوبہ شرناک میں ایک خصوصی آپریشن میں 4 دہشت گرد غیر فعال
بیت الشباب کے نواحی علاقوں میں علیحدگی پسند دہشت گرد تنظیم کے رکن دہشت گردوں کے ساتھ جھڑپ ہوئی