ترک ملازمین کو بغداد سے عسکریت پسندوں نے اغوا کر لیا
عراقی وزارت داخلہ سے جاری کردہ اغوا کی خبر کی ترک دفتر ِ خارجہ نے بھی تصدیق کر دی ہے، تو یہ بھی بتایا گیا ہے کہ مغویوں میں 13 مزدور، 3 انجینئر اور ایک اکاوٹنٹ شامل ہے
عراق کے دارالحکومت بغداد میں 18 ترک مزدوروں کو مسلح اور نقاب پوش افراد نے اغوا کر لیا ہے۔
عراقی وزارت داخلہ سے جاری کردہ اغوا کی خبر کی ترک دفتر ِ خارجہ نے بھی تصدیق کر دی ہے، تو یہ بھی بتایا گیا ہے کہ مغویوں میں 13 مزدور، 3 انجینئر اور ایک اکاوٹنٹ شامل ہے۔ جو کہ بغداد کے محلے صدر میں ایک سپورٹس کمپلیکس کی تعمیر کرنے والی فرم کے لیے کام کر رہے تھے۔
فوجی یونیفارم میں ملبوس عسکریت پسندوں نے سائٹ پر علی الاصبح دھاوا بولتے ہوئے سیکورٹی اہلکاروں کو بے بس کر دیا۔
محو نیند ہونے والے ترک مزدوروں کو اپنے ہمراہ لیتے ہوئے یہ لوگ جائے واردات سے فرار ہو گئے۔
وزارت خارجہ کے ترجمان تانجو بلگچ نے بتایا ہے " کہ اس واقع کی اطلاع پانے کے فوراً بعد بغداد میں ترک سفارتخانے نے عراقی حکام سے رابطہ قائم کیا ہے۔ اسوقت اس واردات کے مقصد کا تعین کرنا کافی مشکل کام ہے۔ متعلقہ ترک فرم سے بھی رابطہ قائم ہے۔"
عراقی حکام کا کہنا ہے کہ اس واردات میں ایک عراقی شہری کو بھی اغوا کر لیا گیا ہے۔
عراقی وزارت ِ داخلہ نے اطلاع دی ہے کہ سیکورٹی اہلکاروں کی ایک ٹیم کو عسکریت پسندوں کا تعاقب کرنے پر مامور کیا گیا ہے۔
اس واقعے کی وجہ پر تفتیش کی جا رہی ہے تو ترک مزدوروں کو فدیہ لینے کی خاطر اغوا کیے جانے کا احتمال ظاہر کیا جا رہا ہے۔
متعللقہ خبریں
![ترکیہ آرمینیا کے فلسطین کو تسلیم کرنے کا خیر مقدم کرتا ہے، دفترِ خارجہ](http://cdn.trt.net.tr/images/medium/rectangle/d431/4da4/2a0f/665576b9c9569.jpg?time=1719055819)
ترکیہ آرمینیا کے فلسطین کو تسلیم کرنے کا خیر مقدم کرتا ہے، دفترِ خارجہ
فلسطین کو تسلیم کرنا بین الاقوامی قانون، انصاف اور ضمیر کا تقاضا ہے
![صوبہ شرناک میں ایک خصوصی آپریشن میں 4 دہشت گرد غیر فعال](http://cdn.trt.net.tr/images/medium/rectangle/cb09/0bb8/be30/667528251ad6f.jpg?time=1719055819)
صوبہ شرناک میں ایک خصوصی آپریشن میں 4 دہشت گرد غیر فعال
بیت الشباب کے نواحی علاقوں میں علیحدگی پسند دہشت گرد تنظیم کے رکن دہشت گردوں کے ساتھ جھڑپ ہوئی