صدر رجب طیب ایردوان کیطرف سے قوم کو جشن نوروز کی مبارکباد

صدر رجب طیب ایردوان نے 21 مارچ یوم نو روز کی مناسبت سے جاری اپنے تہنیتی پیغام میں کہا کہ بہار میں نکلنے والی کونپلوں کیطرح ہماری امیدیں بھی جشن نوروز کیساتھ اپنے ہدف کو پائیں گی اور یہ جشن ایک نئے دور کا آغاز ثابت ہو گا ۔
انھوں نے کہا یوم نوروز کو کئی صدیوں سے ایک وسیع و عریض علاقے میں جوش و خروش کیساتھ منایا جا رہا ہے ۔یہ موسم بہار کی آمد اور قدرت کی بیداری کا جشن ہے ۔اس یوم کو وسطی ایشیا سے لیکر بلقان تک جیسے وسیع و عریض علاقے میں منایا جاتا ہے ۔یہ یوم اتحاد و یکجہتی کے مظاہرے، ماضی کویاد رکھنے اور مستقبل کو مل جل کر روشن بنانے کے عزم کے اظہار کا دن ہے۔ نوروزقدرت کی بیدادی کیساتھ ساتھ انسانوں کی امیدوں کی بیداری کا بھی دن ہے ۔صدر ایردوان نے اقوام متحدہ کیطرف سے 2010 میں پوری دنیا کے لیے تحفے کےطور پر قبول کیے جانے والے اس جشن کے عالم انسانیت کے لیے پیار و محبت اور امن کا وسیلہ بننے کی تمنا کا اظہار کیا اور کہا کہ میں پوری قوم کو جشن نوروز کی مبارکباد پیش کرتا ہوں ۔