صدر رجب طیب ایردوان کا مزدور خواتین کے کنوینشن سے خطاب

صدر رجب طیب ایردوان نے مزدور خواتین کے کنوینشن سے خطاب کے دوران عالم مغرب سے مخاطب ہو تے ہوئے کہا کہ آپ خواتین کے حقوق کا دفاع کرتے ہیں لیکن ترکی میں پناہ لینے والے دو میلین سے زائد انسانوں کے انسانی حقوق کے لیے اب تک آپ نے کیا کیا ہے اور کیا کر رہے ہیں ۔انھوں نے خواتین اور مردوں کے درمیان قدرتی فرق کیطرف اشارہ کرتے ہوئے کہا کہ خواتین کیساتھ امتیازی سلوک کرنے کے بجائے ان کے حقوق کا تحفظ کرنے، خواتین کے استحصال کیخلاف آوازاٹھانے ، ان کے وقار کو بلند کرنے اور ان کا احترام کرنے کی ضرورت ہے ۔دریں اثناء انھوں نے 8 مارچ یوم نسواں کی مناسب سے جو مقالہ تحریر کیا ہے اسے ایک رسالے میں شائع کیا گیا ہے ۔انھوں نے کہا کہ ترکی میں خواتین اور مردوں کے درمیان کسی قسم کی تفریق نہیں کی جائے گی۔ خواتین عدل و انصاف اور مساوات کے اصول کیساتھ اپنے اہل خانہ اور اپنے ملک کی خدمت کریں گی، اپنی ذمہ داریوں کو نبھائیں گی اور ملک ان پر فخر کرئے گا ۔