ترک ہوائی فرم کا طیارہ عمان میں محصور ہو کر رہ گیا

عمان اور استنبول کے درمیان پرواز کرنے والا ترک ہوائی کمپنی کا طیارہ ، نا مساعد موسمی حالات کی بنا پر اردن کے دارالحکومت عمان میں محصور ہو کر رہ گیا۔
مسافروں کے درمیان ترک وزیر تعلیم نبی آوجی بھی موجود ہیں، جو کہ شدید برفباری اور رن وے کی صفائی کرنے والے تیکنیکی عملے کی عدم دستیابی کی بنا پر عمان سے روانگی اختیار کرنےسے قاصر ہیں۔
ترک ہوائی فرم کے حکام کو عمان ہوائی اڈے کے متعلقہ عہدیداروں سے رابطہ کرنے میں دقت کا سامنا ہے تو ا س صورتحال کے بارے میں اُردنی حکام سے کسی بیان کا انتظار کیا جا رہا ہے۔
طیارے کے مسافروں کو جہاز سے اترنے کی اجازت نہیں ہے اور بجلی کی عدم ترسیل کی بنا پر طیارے کے ایئر کنڈیشن کام نہیں کر رہے ۔