ترکی نے مہاجرین کے معاملے میں ایک اصلاحی اقدام کیا ہے

گٹرس نے کہا ہے کہ ترکی نے مہاجرین کے معاملے میں ایک اصلاحی اقدام کیا ہے۔۔۔
اقوام متحدہ کے امور مہاجرین کے ہائی کمشنر انتونیو گٹرس نے انقرہ میں جاری سفیروں کی ساتویں کانفرنس میں سفیروں سے خطاب کرتے ہوئے کہا کہ ترکی نے مہاجرین کی پالیسی میں نئی اصلاحات کی ہیں اور یہاں مہاجرین کے بچے اسکول جا رہے ہیں۔
انہوں نے کہا کہ ترکی نہ صرف ایک کھلے دل والا ملک ہے بلکہ اس کے ساتھ ساتھ یہاں مہاجرین کے لئے ترک مہمان نوازی اور اسلامی روایات کا بھی مظاہرہ کیا جا رہا ہے۔
ترکی کے وزیر خارجہ میولود چاوش اولو نے مہاجرین کے موضوع پر ترکی کے تجربات پر زور دیا۔
چاوش اولو نے کہا کہ ملک میں پناہ لینے والے انسانوں کی ذمہ داری کو محسوس کرنے اور انہیں تحفظ دینے کے معاملے میں ترکی نہایت کامیاب رہا ہے ، ترک معاشرہ بھی عارضی طور پر ان کی پناہ میں آنے والے ان مہاجرین کے دکھ درد بانٹ رہا ہے،ان کی مدد کر رہا ہے اور ان کے لئے تحمل اور بردباری کا مظاہرہ کر رہا ہے۔