صدر ایردوان رہائی پانے والےیرغمالیوں سےآج ملاقات کریں گے

صدر رجب طیب ایردوان داعش دہشت گرد تنظیم کی جانب سے عراق کے شہر موصل میں یرغمال بنائے جانے اور کل رہا کیے جانے کے بعد ترکی لائے جانے والے قونصل خانے کے ملازمین سے ملاقات کریں گے۔
صدارتی ذرائع سے حاصل کردہ معلومات کے مطابق صدر ایردوان آج صبح ساڑھے گیارہ بجے قصر چانکایہ میں قونصل خانے کے ملازمین کو شرف ملاقات بخشیں گے۔
صدر ایردوان موصل میں یرغمال بنائے گئے ان ملازمین کی رہائی کے لیے شروع دن ہی سے بڑی گہری دلچسپی لیتے رہے ہیں۔
یرغمالیوں کو کامیابی سے رہا کروانے کے فوراً بعد ہی صدر ایردوان نے قونصلر جنرل اؤز ترک یلماز اور ان کی اہلیہ کو الگ الگ ٹیلی فون کرتے ہوئے ان سے اظہار ہمدردی کیا تھا اور رہائی پر مبارکباد پیش کی تھی۔