میدویدو کی طرف سے داؤد اولو کو مبارکباد

روس کے وزیر اعظم دمتری میدویدو نے وزارت اعظمٰی کے عہدے پر فائز ہونے کی وجہ سے داؤد اولو کو مبارکباد کا پیغام دیا ہے۔
روس کی وزارت اعظمیٰ کی سرکاری انٹر نیٹ سائٹ سے جاری کردہ اس تہنیتی پیغام میں میدویدو نے کہا ہے کہ "میں، داؤد اولو کی وزارت اعظمیٰ میں ترکی کی نئی حکومت اور دونوں ملکوں کے درمیان کثیر الجہتی تعلقات کے فروغ کے لئے کام کرنے کے لئے تیار ہوں"۔
میدویدو نے کہا ہے کہ" روایتی دوستانہ تعلقات اور وسیع پیمانے کا تعاون ترکی اور روس کو ایک دوسرے سے وابستہ کرتا ہے اور مجھے یقین ہے کہ تجارتی، اقتصادی، سرمایہ کاری، سائنسی، تکنیکی ، ثقافتی اور انسانی شعبوں میں تعلقات دونوں ملکوں کے مفاد میں فروغ پائیں گے"۔